लाहोर : ऑनलाइन गेम PUBG ने अनेकांचे आयुष्य उद्ध्वस्त केले आहे. यापूर्वी देखील या गेमच्या व्यसनात (Online Game) लोकांना घरातून पैसे चोरण्यापर्यंतच्या घटना आपण पाहिल्या आणि ऐकल्या आहेत. मात्र, पाकिस्तानमध्ये (Pakistan) एका अल्पवयीन मुलाने या गेमच्या नादात आई आणि तीन भावडांची हत्या (Murder) केल्याचा धक्कादायक प्रकार समोर आला आहे. पाकिस्तानच्या पंजाब प्रांतातील लाहोर येथील येथे ही घटना घडली आहे. (Boy Killed Entire Family Under PUBG Influence)

दरम्यान, PUBG च्या प्रभावाखाली आई आणि भावंडांची हत्या केल्याची कबुली यामुलाने पोलिसांना दिली आहे. घटनेच्या दिवशी या मुलाच्या आईने मुलाला गेम खेळण्यावरून खडसावले होते. त्यानंतर, मुलाने कपाटातून पिस्तूल काढत रागाच्या भरात आईसह त्याच्या इतर तीन भावंडांवर गोळ्या झाडल्या. लाहोरमधील ऑनलाइन गेमशी संबंधित हा चौथा गुन्हा आहे. 2020 मध्ये जेव्हा पहिले प्रकरण समोर आले तेव्हा तत्कालीन पोलीस अधिकारी झुल्फिकार हमीद यांनी लाखो किशोरवयीन मुलांचे जीवन, वेळ आणि भविष्य वाचवण्यासाठी गेमवर बंदी घालण्याची शिफारस केली होती.

वर्ल्ड हेल्थ ऑर्गनायझेशन (WHO) ने अधिकृतपणे गेमिंग डिसऑर्डरला रोगाच्या आंतरराष्ट्रीय वर्गीकरणामध्ये एक रोग म्हणून समाविष्ट केले आहे. गेमिंग डिसऑर्डरची व्याख्या गेमिंग (डिजिटल किंवा व्हिडिओ) वरील अशक्त नियंत्रण, गेमिंगला इतर हितसंबंध आणि दैनंदिन क्रियाकलापांपेक्षा प्राधान्य देण्याच्या मर्यादेपर्यंत दिले जाणारे प्राधान्य वाढवणे आणि गेमिंग चालू ठेवणे किंवा वाढवणे याद्वारे वैशिष्ट्यीकृत केले जाते.