वुहान (चीन): चीनमधून कोरोना व्हायरसची सुरवात झाल्यानंतर जगभरात हाहाकार उडाला. चीनने कोरोनाचे रुग्ण संपुष्टात आल्यामुळे लॉकडाऊन हटवला. पण, त्यांच्यासमोरील समस्या दिवसेंदिवस पुन्हा वाढू लागल्या असून, कोरोना पुन्हा पाय पसरू लागला आहे.

चीनमध्ये आनंदोत्सव; कुत्रा, वटवाघूळाच्या मांसासाठी गर्दी

द गार्डियनने दिलेल्या वृत्तानुसार, चीनमध्ये पुन्हा एकदा कोरोनाचे नवीन रुग्ण आढळू लागले आहेत. चीनमध्ये शुक्रवारी (ता. 10) 46, शनिवारी 99 आणि रविवारी 108 नवीन रुग्ण आढळून आल्याचे राष्ट्रीय आयोगाने सांगितले. चीनमध्ये तीन दिवसांत 253 नवीन रुग्ण आढळून आले आहेत. यातील 10 रुग्ण हे परदेशातून पुन्हा मायदेशी परतलेले आहे.  7 कोरोना पॉझिटिव्ह रुग्ण हे हेलोंगजियांगमधून आलेले आहेत. याआधी चीन-रशिया सीमा बंद करण्यात आली होती. मात्र, लॉकडाऊन हटवल्यानंतर तेथे अडकलेल्या लोकांना पुन्हा मायदेशी आणण्यात आले. चीनच्या शांघाय येथे रशियातून आलेल्या विमानातील 51 चिनी नागरिक कोरोना पॉझिटिव्ह आढळले. 21 कोरोना रुग्ण हे हेलोंगजियांग प्रांतातील आहेत.

न्यूयॉर्कमध्ये लागली मृतदेहांची रांग; व्हिडिओ व्हायरल...

चीनने लॉकडाऊन हटवल्यानंतर लोकांचे जीवन पुन्हा रुळावर येत आहे. तर दुसरीकडे कोरोना पुन्हा पाय पसरू लागला आहे. दरम्यान, वुहानमधील अधिकाऱ्यांनी यापूर्वीच निर्बंध रद्द केले आहेत, परंतु हार्बिन तसेच सीमा शहर सुफिनामध्ये वुहानप्रमाणे लॉकडाऊन केले गेले आहे.