लग्नाच्या बाबतीत लोकं सावधपणे पाऊले उचलतात. खटपटी तर खूपच करतात. कारण आयुष्यातील तो महत्वाचा निर्णय असतो. काही लोकं अँरेंज मॅरेज (Arrange Marriage) करण्याला तर काही लव्ह मॅरेजला प्राधान्य देतात. पण एक मुलगा त्याच्या लग्नामुळे खूप चर्चेत आलाय. या मुलाने शहरभर होर्डिंग्ज लावली आहेत. त्या होर्डिंग्जवर मला अँरेंज मॅरेजपासून वाचवा असे लिहिले आहे. वर स्वत:चा फोटोही लावला आहे,

२९ वर्षाचा मोहम्मद मलिक हा लंडन येथे राहणारा असून त्याने बकिंगहॅम शहरात जागोजागी असे 20 फुटांचे होर्डिंग्ज लावले आहे. त्याचे होर्डिंग्ज सोशल मीडियावर मोठ्या प्रमाणात व्हायरल झाले असून अनेकांनी शेअऱ केले आहे. या मुलाने ट्विटरवही ते शेअऱ केले आहे.

वेबसाईटवर दिली माहिती

त्याने एक वेबसाईट सेटअप केली असून त्यावर त्याने स्वत:ची सगळी माहिती शेअर केली आहे. त्यात आपल्या आवडी-निवडी, वय, करिअर आदी गोष्टी शेअर केल्या आहेत. मलिकने युट्यूबवर व्हिडिओ अपलोड करून जर कोणी माझ्याशी लग्न करण्यास उत्सुक असेल तर फॉर्म भरा असे सांगितले आहे. तो म्हणतो की तो अ‍ॅरेंज्ड मॅरेजच्या विरोधात नाही पण माझ्या आवडीची एखादी व्यक्ती मिळाली तर खूप छान होईल.

मोहम्मदविषयी...

मोहम्मद मलिकने वेबसाइटवर दिलेल्या माहितीनुसार, तो व्यवसायाने इनोव्हेशन सल्लागार आणि उद्योजक आहे. त्यांनी ही वेबसाईट फक्त त्यांच्या लग्नासाठी तयार केली आहे, या वेबसाईटचे नाव Findmailkawife.com आहे. सध्या त्याचे हे मोठे पोस्टर व्हायरल होताच लोकांनी त्याची मजा घ्यायला सुरुवात केली. पण गंमत म्हणजे मोहम्मद लोकांच्या पोस्ट स्वतः ट्विटरवर शेअर करत आहे.