युक्रेन आणि रशिया यांच्यात युद्ध सुरू आहे. युक्रेनियन लोकांना पुढच्या आयुष्याची चिंता आहे. पण तिथल्या मुलींची काळजी सतावतेय ती चिनी मुलांना. सध्या चिनमध्ये 'मेल-ऑर्डर ब्राइड' हा बिझनेस लोकप्रिय होतो आहे. चिनी मुलांना लग्नासाठी आपल्याच देशाातल्या मुली मिळणं कठीण झालं आहे. एक मुल हवं या चिनच्या धोरणामुळे हे घडले आहे. त्यामुळे चिनमधल्या लिंग गुणोत्तरामुळे हे घडलं आहे. त्यामुळे आता चिनी पुरूष लग्न करण्यासाठी युक्रेनियन मुलींमध्ये जास्त इंटरेस्ट घेत आहेत.

ही आहेत कारणे

एका ऑनलाइन वेबसाईटवर युक्रेनियन मुलींबरोबर लग्न करण्यासाठी चिनी पुरूष उत्सुक असल्याचे आढळून आले आहे. डेटिंग सर्व्हिस मिलिष्काने सांगितले की, युद्ध सुरू होण्यापूर्वी दररोज सुमारे ५ चिनी लोकांकडून चौकशी होत असे. ही संख्या आता दुप्पट झाली आहे. युक्रेनमध्ये पुरूषांच्या तुलनेत महिलांची संख्या जास्त आहे. डेटिंग सर्व्हीसचा रशियन मालक पावेल स्टेपनेट्सच्या मते चिनी पुरूषांना पूर्व युरोपमधील मुली अधिक आवडतात. कारण त्या चिनी मुलींप्रमाणे पैशांना जास्त महत्व देत नाहीत.

मीलिश्का डेटींग सर्व्हिस वेबसाईटच्या मते, सध्या ७४८ युक्रेनियन मुली लग्नासाठी चिनी मुलांचा विचार करत आहेत. स्टेपनेट्सने असा दावा केला आहे की, ७० चिनी मुलं लग्नासाठी मुली शोधत आहेत. ८ -९ जोडप्यांनी लग्नही केले आहे. स्टेपनेट्सने सांगितले की, युक्रेनी मुलींसाठी मागणी वाढली असून अनेक लोकं त्यांच्या स्थळाविषयी विचारतात. त्यांना युक्रेनी मुली दु:खी असतील याची जाणीव आहे. तसेच चीन त्यांना सर्वात सुरक्षित भाग वाटतो. खूप काळापासून युक्रेनी मुली चीनी पुरूषांबरोबर लग्न करत आहेत. पण रशियाने युक्रेनवर हल्ला केल्यानंतर युक्रेनियन मुलींशी लग्न करण्याची मागणी आणखी वाढली आहे. चिनी पुरुषांना वाटते की युक्रेनियन मुली चिनी मुलांना जोडीदार म्हणून पाहतील.