पेइचिंग : जगभरात कोरोना व्हायरसने धुमाकूळ घातला असून, अनेकांना जीव गमवावा लागला आहे. जगभरात 2 कोटींहून अधिक कोरोनाबाधित रुग्ण आहेत. चीनमधूनच कोरोना व्हायरसचा प्रसार झाला असून, याबाबतचे पुरावे माझ्याकडे आहेत, असा दावा चिनी शास्त्रज्ञाने केला आहे.
चीनच्या वुहानमधूनच कोरोना पसरल्याचा आरोप जगभरातील अनेक देश करत आहेत. हाँगकाँग स्कूलचे चीनचे व्हायरोलॉजिस्ट डॉ. ली-मेंग यान यांनी एका कार्यक्रमादरम्यान दावा केला आहे की, 'कोरोनाचा प्रसार होण्यास सुरू झाली नव्हती तेव्हा पेइचिंगमध्ये कोरोनाबाबत माहितीही मिळाली होती. माझ्याकडे पुरावे आहेत आणि हा व्हायरस मानवनिर्मित असल्याचे सिद्ध करू शकते. चिनी सरकारने सर्व माहिती सरकारी डेटाबेसमधून काढून टाकली आहे. वुहान मार्केटमध्ये कोव्हिड-19 पसरल्याची बातमी म्हणजे एक फसवणूक आहे. एक अहवाल प्रकाशित करणार असून, हा व्हायरस मानवनिर्मित असल्याचे पुरावे सादर केले जाणार आहेत.'
डॉ. यान जीव वाचवण्यासाठी सध्या अमेरिकेत वास्तव्य करत आहेत. डॉ. यान म्हणाल्या की, 'वुहानचा मांस बाजार एक पडदा म्हणून वापरला जात आहे आणि हा व्हायरस नैसर्गिक नाही. वुहानच्या लॅबमधून कोरोना व्हायरस प्रसार झाला आहे. जीनोम सीक्वेन्स हा मानवी फिंगर प्रिंट सारखा आहे. हे या आधारावर ओळखले जाऊ शकते. या पुराव्याच्या आधारे, मी लोकांना सांगेन की कोरोना हा चीनच्या लॅबमधून कसा आला. पण, चीनच्या डेटाबेसमधून माहिती काढून टाकण्यात आली आहे. सहकार्यांना माझ्याबद्दल खोटी बातमी पसरण्यास सांगितले आहे. कोरोनाचा वाढता प्रसार आणि लोकांचा मृत्यू होत असताना लोकांपर्यंत सत्य पोहोचवण्याची नैतिक जबाबदारी आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.