बिजिंग : Coronavirus: जगभरात वेगाने होणाऱ्या कोरोना विषाणूचे संक्रमण शारीरिक संबंधातून होते का? याचा अभ्यास चीनमधील शास्त्रज्ञ करत आहेत. पुरुषांच्या वीर्यामध्ये कोरोना विषाणू आढळल्याचा दावा चीनी शास्त्रज्ञांनी केला असून कोरोना विषाणू शारीरिक संबंधातून संक्रमित होऊ शकतो याबाबत अद्याप  ठोस मा निष्कर्ष काढता येणार नाही असे त्यांनी म्हटले आहे. जेएएमए नेटवर्क ओपन मेडिकल जरनलमध्ये या संदर्भातील माहिती प्रसिद्ध करण्यात आली आहे. 

जागतिक आरोग्य संघटनेने जगाला दिला पुन्हा इशारा

चीनमधील एका रुग्णालयातील कोरोनाग्रस्तांच्या अभ्यासानंतर कोरोना विषाणूचा प्रादुर्भाव हा श्वसन, लाळ यासोबतच मूत्राच्या माध्यमातून होऊ शकतो, असे समोर आले आहे. चीनच्या हेनान प्रांतातील शांगकिउ महानगर पालिकेतील रुग्णालयातील वैज्ञानिकांनी कोरोनाचा विषाणू वीर्यामध्ये असतो की नाही याबबत संशोधन केले. यासाठी 15 ते 50 वयोगटातील 38 कोरोनाग्रस्तांचा वीर्याची तपासणी करण्यात आली.  यातील ६ रुग्णांच्या वीर्यामध्ये कोरोनाचा विषाणू असल्याचे दिसून आले. यातील चार रुग्ण गंभीर होते तर दोन रुग्णांची प्रकृती स्थिरावत होती.  

गर्भवती पत्नी; समोर चिमुकला अन् दारुसाठी तडफड...

या अभ्यासासाठी घेतलेले नमुने मर्यादित आणि अल्प होते. त्यामुळे शारीरिक संबंधातून कोरोनाचे संक्रमण होते का? यासंदर्भात ठोस निष्कर्ष काढण्यासाठी मोठ्या प्रमाणात नमुने घेऊन अध्ययन करण्याची आवश्यकता आहे, असे वैज्ञानिकांनी म्हटले आहे. भविष्यातील अभ्यासातून कोरोना विषाणू शारीरिक संबंधामुळे संक्रमित होतो हे समोर आले तर त्याला रोखण्यासाठी रुग्णांना संयम बाळगणे तसेच शारीरिक संबंधावेळी कंडोमचा वापर करुन संक्रमण रोखणं या मार्गाचा अवलंब करावा लागेल, असा उल्लेखही अहवालात करण्यात आला आहे.  

संतापजनक: पुण्यातील आयटी कर्मचाऱ्यांना  'असा' दाखवला जातोय घरचा रस्ता

कोरोना विषाणूने जगभर थैमान घातलं असून 38 लाखांहून अधिक लोकांना कोरोनाची लागण झाल्याची पुष्टी झाली आहे. दिवसागणिक या आकड्यात वाढ होत असून मृतांता आकडाही लाखाच्या घरात आहे. सुरुवातीच्या काळात  खोकला, ताप आणि श्वसनाचा त्रास ही  तीन लक्षणे आढळून आलेल्या व्यक्तींची करोनाची चाचणी केली जात होती. यासंदर्भात सुरु असलेल्या संशोधनातून राहून राहून थंडी वाजणे, सर्दी, स्नायूदुखी, डोकेदुखी, चव न कळणे ही देखील कोरोनाची लक्षण असू शकतात, असे समोर आले होते.