नवी दिल्ली: Coronavirus Cases in India: जगभरासह भारतामध्ये कोरोना विषाणू लागण झालेल्या रुग्णांचा आकडा हा दिवसागणिक वाढताना दिसत आहे. मागील 24 तासांत भारतामध्ये सर्वाधिक रुग्ण आढळले असून सर्वाधिक प्रभावी राष्ट्रांच्या यादीत पहिल्या दहामध्ये भारताचा समावेश झाला आहे. भारतातील कोरोनाग्रस्तांचा आकडा हा 1.39 लाखवर पोहचला आहे. केंद्रीय आरोग्य मंत्रालयाने सोमवारी जारी केलेल्या आकडेवारीनुसार, देशात आतापर्यंत 1,38,845 रुग्ण आहेत. यातील 4,021 लोकांचा मृत्यू झाला आहे.
मागील 24 तासांत देशात 6,977 नवे रुग्ण आढळले आहेत. जगभरातील अन्य देशांच्या तुलनेत हा आकडा सर्वाधिक आहे. ही आकडेवारी भीती निर्माण करणारी असली तरी 57721 रुग्ण बरे झाले आहेत ही दिलासादायक बाब आहे. कोरोनावर मात करणाऱ्या रुग्णांची रिकवरी 41.57 टक्के आहे. यात झालेली वृद्धी ही जमेची बाजू आहे. देशातील महाराष्ट्र राज्यात कोरोना विषाणूने अधिक रुग्ण आढळले आहेत. राज्यातील कोरोनाग्रस्तांच्या आकड्याने 50,000 चा टप्पा पार केलाय. महाराष्ट्रानंतर सर्वाधिक रुग्ण आढळलेल्या राज्याच्या यादीत तामिळनाडू आणि गुजरात या राज्यांचा क्रमांक लागतो. या यादीत दिल्ली चौथ्या स्थानावर आहे.
| देश | एकूण रुग्ण | सध्याचे रुग्ण | बरे झालेले रुग्ण | मृतांची संख्या |
| अमेरिका | 16,43,246 | 11, 78,790 | 3,66,736 | 97,720 |
| ब्राझील | 3,63,211 | 1,90,634 | 1,49,911 | 22,666 |
| रशिया | 3,44,481 | 2,27,641 | 1,13,299 | 3,541 |
| यूके | 2,60,916 | 2,22,890 | 1,151 | 36,875 |
| स्पेन | 2,35,772 | 56,644 | 1,50,376 | 28,752 |
| इटली | 2,29,858 | 56,594 | 1,40,479 | 32,785 |
| फ्रान्स | 1,82,709 | 89,604 | 64,735 | 28,370 |
| जर्मनी | 1,80,328 | 11,764 | 1,60,281 | 8,283 |
| तुर्की | 1,56,827 | 33,793 | 1,18,694 | 4,340 |
| भारत | 1,38,845 | 77,103 | 57,721 | 4,021 |
चीनच्या वुहान शहरातून जगभरात वेगाने संक्रमण होणाऱ्या कोरोना विषाणूने युरोपातील इटलीनंतर अमेरिकेत थैमान घातल्याचे पाहायला मिळाले. अमेरिकेत आतापर्यंत सर्वाधिक रुग्ण आढळले असून याठिकाणी मृतांचा आकडाही कमालीचा आहे. अमेरिकेपाठोपाठ ब्राझीलमध्ये कोरोनाग्रस्तांचा आकडा हा वेगावे वाढताना दिसत आहे. ब्राझीलला सध्या कोरोनाचे नवे केंद्र बनण्याची भीती सतावत आहे. कोरोनाजन्या परिस्थितीला नियंत्रणात आणण्यासाठी अनेक राष्ट्रांनी लॉकडाउनचा निर्णय घेतल्याचे पाहायला मिळाले. युरोपातील इटलीत परिस्थिती पूर्ववत होताना दिसत आहे. इटली मोठ्या प्रादुर्भावाच्या फटक्यानंतर सावरतानाचे चित्र आहे. या ठिकाणी हळूहळू लॉकडाउन हटवले जात असून परिस्थिती पूर्वपदावर आणण्याचे प्रयत्न सुरु आहेत. भारतामध्ये प्रभावित भागातून स्थलांतरित झालेल्या लोकांमुळे शहरातील प्रादुर्भाव ग्रामीण भागात शिरकाव करत असल्याचे चित्र आहे. हे सरकार आणि प्रशासनासमोर नवे आव्हान असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.