Corona-Italy 
ग्लोबल

Fight with Coronavirus : इटलीत आशेचा पहिला किरण; रुग्णांच्या संख्येत होतेय घट!

वृत्तसंस्था

रोम : जगभरातील इतर देशांमध्ये हळूहळू कोरोनाग्रस्तांची संख्या वाढू लागली आहे. या व्हायरसमुळे सर्वाधिक बळी गेले ते इटलीमध्ये. शनिवारी (ता.४) ६८१ लोकांचा कोरोनामुळे मृत्यू झाला असून इटलीत आतापर्यंत एकूण १५,३६२ जणांना आपला जीव गमवावा लागला आहे. या पार्श्वभूमीवर इटलीत आशेचा पहिला किरण दिसू लागला आहे. 

इटलीत अतिदक्षता विभाग (आयसीयू) मध्ये दाखल होणाऱ्यांची संख्या घटत चालली आहे. शुक्रवारी ४०६८, तर शनिवारी ३९९४ कोरोनाग्रस्तांना आयसीयूमध्ये दाखल करण्यात आले होते, अशी माहिती सिविल प्रोटेक्शन डिव्हिजनचे प्रमुख एंजेलो बोर्रेली यांनी दिली आहे.   

बोर्रेली पुढे म्हणाले, जेव्हापासून कोरोनाने थैमान घालण्यास सुरवात केली त्यानंतर पहिल्यांदाच रुग्णांच्या संख्येत घट झाल्याचे आढळून आले आहे. त्यामुळे ही आमच्यासाठी दिलासादायक गोष्ट आहे. कारण आमच्या हॉस्पिटलवरील ताण आता कमी होणार आहे.

क्रिटिकल रुग्णांच्या संख्येत घट होणे हा महत्त्वाचा संकेत आहे. कारण आतापर्यंत राबविण्यात आलेल्या उपाययोजना आणि प्रयत्नांना यश मिळत आहे, असे मत साइंटिफिक काउन्सिल प्रमुख फ्रांको लोकतेली यांनी व्यक्त केले. 

दरम्यान, इटलीत शनिवारी कोरोना संक्रमणाच्या २८८६ नव्या केसेस समोर आल्या आहेत. त्यामुळे तेथील कोरोनाग्रस्तांची संख्या ८८,२७४ एवढी झाली आहे. तर २०,९९६ रुग्णांनी कोरोनाचा यशस्वी सामना केला आहे. 

इटलीतील उत्तर लोम्बार्डी या भागाला कोरोनाने आपल्या विळख्यात ओढले आहे. त्यामुळे सर्वाधिक लागण झालेले आणि मृत झालेल्यांची संख्याही याच भागातील आहे. त्यापाठोपाठ वेनेतो आणि आल्टो एडिगे यांचा क्रमांक लागतो. या सर्व भागांमध्ये खरेदीसाठी बाहेर पडणे सोडाच, साधा फेरफटका मारण्यासही स्थानिक सरकारने परवानगी दिली नव्हती.

फेब्रुवारीपासून परिस्थिती बिघडली

युरोपीय युनियन देशांपैकी एक असणाऱ्या इटलीने सर्वप्रथम देशातील सर्व विमान वाहतूक बंद केली होती. कोरोनाची पहिली केस येण्याअगोदरच त्यांच्या आरोग्य मंत्रालयाने टास्क फोर्सची स्थापना केली होती. पूर्ण इटलीमध्ये लॉकडाऊन लागू करण्यात आले असून नियमांचे उल्लंघन करणाऱ्यांना अडीच लाख रुपयांचा दंड ठोठावण्यात येत आहे. एवढे करूनही इटलीत कोरोनाने सर्वाधिक बळी घेतले. 

२० फेब्रुवारीला कोरोना व्हायरसने आपले पाय इटलीत रोवण्यास सुरवात केली होती. त्या दिवशी लोम्बार्डीतील ३८ वर्षीय व्यक्तीची पहिली कोरोना केस दाखल झाली होती. मात्र, त्या आधीच कोरोनाने इटलीत प्रवेश केला होता, असंही काही आरोग्य अधिकाऱ्यांचं म्हणणं आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Yuzvendra Chahal: क्रिकेटर युझवेंद्र चहलची भाजपमध्ये एन्ट्री; ओबीसी मोर्चाच्या राष्ट्रीय टीममध्ये मिळाली मोठी जबाबदारी

Pune News : बिल्डरांसाठी शहरातील ४७ नाले वळविले; महापालिका सभागृहात प्रशासनाची माहिती

Ambad Accident : दुचाकी चालक युवक विजेच्या पोलला धडकल्याने अपघातात जागीच ठार: परीक्षेचा पेपर देऊन तीर्थपुरीला जाताना घडली घटना

Beed Crime : ५१.९० लाखांचे तेल परस्पर विकून रचला अपघाताचा बनाव; टँकर चालकाविरुद्ध गुन्हा दाखल

Mumbai News : १५० रेल्वे स्थानकांवर लवकरच ड्रोनची गस्त! लोकलच्या सुरक्षेला १४ हायटेक उपकरनाचे कवच

SCROLL FOR NEXT