वॉशिंग्टन - अमेरिकेतील इलिनॉईसमध्ये कोरोनाच्या विषाणूची बाधा झालेल्या एका लहान बाळाचा मृत्यू झाल्याची माहिती सरकारी अधिकाऱ्यांनी दिली. कोरोनाच्या विषाणूचा संसर्ग वाढत असून, त्यामुळे जगभरातील बळींची संख्याही वेगाने वाढते आहे. मात्र, कोरोनाच्या जागतिक साधीमध्ये लहान बाळाचा बळी गेल्याची जगभरातील ही पहिलीच घटना मानली जात आहे.
इलिनॉईसचे गव्हर्नर जे. बी. प्रित्झकेर यांनी पत्रकार परिषदेत बोलताना सांगितले की, मागील २४ तासांत कोरोनामुळे मृत्युमुखी पडलेल्यांमध्ये एका लहान बाळाचा समावेश आहे. शिकागोमध्ये ही घटना घडली असून, हे बाळ एक वर्षांहूनही कमी वयाचे होते. त्याची कोरोनाची चाचणी पॉझिटिव्ह आली होती.
कोरोनामुळे लहान बाळाचा मृत्यू झाल्याची ही पहिलीच घटना आहे, अशी माहिती राज्याच्या आरोग्य विभागाच्या संचालकांनी दिली. या बाळाचा मृत्यू नेमका कशामुळे झाला याची सखोल चौकशी करण्याचे आदेश देण्यात आले आहेत, असेही त्यांनी सांगितले. ही बातमी एकूण आपण हादरून गेलो, अशी प्रतिक्रिया गव्हर्नर प्रित्झकेर यांनी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.