बीजिंग (चीन): एकमेकांवर किती प्रेम असू शकते, याचा अनुभव अनेकजण घेत आहेत. दोघांचा व्हिडिओ सोशल मीडियावर प्रचंड व्हायरल होत असून, व्हिडिओ पाहिल्यानंतर डोळ्यात फक्त पाणी येत असल्याच्या प्रतिक्रिया नेटिझन्स देत आहेत.
दोघांच्या प्रेमाला कोरोना व्हायरची नजर लागली आणि एकमेकांचा निरोप घ्यावा लागला. रुग्णालयात शेवटच्या क्षणी 80 वर्षांच्या जोडप्याने एकमेकांच्या हातात हा घेत अखेरचा श्वास सोडला. दोघांनाही कोरोना व्हायरसने ग्रासले होते. रुग्णालयात त्यांच्यावर उपचार सुरू होते. दोघांनी शेवटच्या क्षणी एकमेकांच्या हातात हात घेऊन श्वास सोडला. यावरून दोघांचे एकमेकांवर किती प्रेम होते, हे पाहायला मिळते. रुग्णालयात उपस्थित असणाऱ्यांनी हा भावुक क्षण कॅमेऱयात कैद केला आणि सोशल मीडियावर व्हायरल केला. काळजाला भिडणारा हा व्हिडिओ पाहून युझर्सलाही अश्रू अनावर झाले आहेत.
ट्विटर युझर जियांग नावाच्या युवकाने हा व्हिडिओ सोमवारी (ता. 3) अपलोड केला आहे. या व्हिडिओला 28 हजारांहून अधिक लाईक्स असून, 15 हजारांपेक्षा जास्त जणांनी रिट्वीट केला आहे. दरम्यान, चीनमध्ये कोरोना व्हायरसने धुमाकूळ घातला आहे. या विषाणूमुळे चीनमध्ये 300 हून अधिक लोकांचा मृत्यू झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.