रोम : कोरोनाची दुसरी लाट आल्याने इटलीत दुकान आणि शाळा बंद करण्याचा निर्णय पंतप्रधान मारिओ द्राघी यांनी जाहीर केला. देशात वेगाने कोरोना संसर्गाचा प्रसार होत असून त्याला रोखण्यासाठी इटली सरकारने नव्याने मार्गदर्शक सूचना जारी केल्या आहेत. ईस्टरच्या पार्श्वभूमीवर ३ ते ५ एप्रिल असे तीन दिवसांसाठी संपूर्ण लॉकडाउन लागू केला जाणार आहे. 
इटलीने गेल्यावर्षी संपूर्ण देशात लॉकडाउन लागू केला होता. ऑक्टोबर-नोव्हेंबरमध्ये मंदावलेला कोरोनाने पुन्हा डोके वर काढले आहे.

युरोपमध्ये ब्रिटनंनतर इटलीला कोरोनाचा सर्वाधिक फटका बसला आहे. इटलीत लसीकरण मोहिम दिरंगाई झाल्याचेही सांगितले जात आहे. गेल्या आठवड्यात लशीची टंचाई दूर करण्यासाठी इटली सरकारने ऑस्ट्रेलियाला निर्यात केले जाणारे लशीचे डोस थांबवले. संसर्ग रोखण्यासाठी सरकारकडून पुन्हा कडक निर्बंध लागू केले जात असून येत्या सोमवारपासून शाळा, दुकान, रेस्टॉरंट हे निम्याहून अधिक बंद होतील, असे सांगण्यात आले. यात रोम आणि मिलान या दोन मोठ्या लोकंसख्येच्या शहरांचा समावेश आहे.

- Video: मुलीने गुडघ्यावर बसून केलं प्रपोज; विद्यापीठाने केली कारवाई​

गेल्या दीड महिन्यांपासून देशातील कोरोनाबाधितांची संख्या वाढत असून दररोज २५ हजाराने नव्याने भर पडत आहे. 

दुसऱ्या लाटेचे परिणाम

- इटलीतील निम्म्या भागातील शाळा, दुकाने आणि रेस्टॉरंट बंद राहणार
- अत्यावश्‍यक कारणाशिवाय नागरिकांनी घराबाहेर पडण्यास बंदी
- इस्टर अखेरपर्यंत अतिरिक्त निर्बंध लागू राहणार
- सारदिनिया बेटावर संसर्गाचा दर अत्यंत कमी

- 'राष्ट्रीय सुरक्षेसाठी बुरख्याला बंदी'; भारताच्या शेजारी देशात सरकारचा विचार​

युरोपातील चित्र

पोलंड : पोलंडमध्ये शनिवारी नव्याने २१०४९ रुग्णाची भर. हा आकडा नोव्हेंबरनंतरचा सर्वाधिक

जर्मनी : शाळकरी विद्यार्थ्यांत कोरोना संसर्ग झपाट्याने वाढत असल्याची नोंद

फ्रान्स : देशभरात आयसीयूमधील रुग्णांची संख्या ४ हजारावर. ही संख्या तीन महिन्यातील सर्वात जास्त. 

स्लोव्हेकिया-झेक : युरोपीय यूनियनची मान्यता नसलेली लस खरेदी केल्याने सरकार अडचणीत

- जगभरातील बातम्या वाचण्यासाठी येथे ► क्लिक करा

(Edited by: Ashish N. Kadam)