लंडन - सुमारे ४५ कोटी लोकसंख्या असलेल्या युरोपने आत्ताच तब्बल दोन अब्ज तीस कोटी इतक्या कोरोना लशी आहेत. यातून शिल्लक राहणाऱ्या लशी गरीब देशांना देण्याचा निर्णय युरोपीय महासंघाने घेतला आहे.
- पुण्याच्या बातम्या वाचण्यासाठी येथे ► क्लिक करा
युरोपने सहा कंपन्यांच्या लशी मिळविल्या आहेत. ज्या देशांना त्या दिल्या जातील तेथील नियामक संस्थेची मंजुरी मिळणे गरजेचे असेल, पण लवकरच याबाबतची यंत्रणा कशी राबवायची याची योजना जाहीर केली जाईल. शिल्लक लशी कोवॅक्स संस्थेला दिल्या जातील. त्यांच्यामार्फत गरीब देशांत वितरण केले जाईल, मात्र लशीची विक्री करायची की देणगी म्हणून द्यायची याचा निर्णय अद्याप झालेला नाही. स्वीडनने शिल्लक लशी विकण्याचा निर्णय यापूर्वीच घेतला आहे.
शेजारचे गरीब देश तसेच आफ्रिकेतील देशांना याचा लाभ होईल, मात्र त्यामुळे जागतिक आरोग्य संघटनेच्या (डब्लूएचओ) लसीकरणाच्या जागतिक योजनेवर परिणाम होऊ शकतो. डब्लूएचओने जगभर लशीचे योग्य प्रमाणात वितरण व्हावे म्हणून कोवॅक्सची स्थापना गेल्या वर्षी केली. ही संस्था सक्रिय झाली आहे, पण त्यांना पुरेशा प्रमाणात लस मिळविण्यात अडचणी येत आहेत.
शिल्लक लशी आमच्या सीमेपलिकडील भागांत वाटाव्या असा प्रस्ताव आम्ही सदस्य देशांसमोर मांडणार आहोत. कोवॅक्स पूर्णपणे सक्रिय होण्यापूर्वी गरीब देशांना लस मिळणे यामुळे शक्य होईल. पश्चिमेकडील बाल्कन देश, उत्तर आफ्रिका आणि सहारा प्रदेशातील देशांना प्राधान्य मिळेल.
- स्टेला किरीयाकिडेस, युरोपीय महासंघाच्या आरोग्य आयुक्त
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.