बॉलिवूडच्या सूपरहिट गाण्यांवर लिंप सिंक करून ती गाणी गाणापरा टांझानियाचा किली पॉल खूप लोकप्रिय आहे. तो आणि त्याची बहिण नीमा पॉल (Kili Paul and Nima Paul) सोशल मीडियावर (Social Media) खूप लोकप्रिय आहेत. भारतात तर त्यांचे खूप फॅन्स आहेत. किली पॉलचा (Kili Paul) नुकताच टांझानियातील भारतीय उच्चायुक्तालयाने गौरव केला.

भारताचे टांझानियातील उच्चायुक्त बिनया प्रधान यांनी किली पॉलसोबत काही छायाचित्रे ट्विटर वर शेअर केली आहेत. ते म्हणाले की, @IndiainTanzania येथे आजचा दिवस खास होता. प्रसिद्ध टांझानियन कलाकार किली पॉलने लोकप्रिय भारतीय चित्रपटातील गाण्यांवर केलेले व्हिडिओ लिप-सिंकने भारतातील लाखो लोकांची मने जिंकली आहेत. त्याला गौरवताना आम्हाला आनंद होतो आहे.

इंस्टाग्रामवर किली पॉलचे २.२ मिलियन फॉलोअर्स आहेत. आयुष्यमान खुराना, गुल पनाग, रिचा चढ्ढा असे अनेक कलाकार त्याला फॉलो करतात. इंस्टाग्रामवर किली अनेक भारतीय लोकप्रिय गाण्यांचे लिप सिंक करत असतो. तसेच नृत्यही करत असतो. त्यामुळे त्याच्या कलेला चांगली पसंती मिळते आहे.