नवी दिल्ली - पंतप्रधान नरेंद्र मोदी यांनी कोरियाच्या युद्धाला सुरुवात होऊन 70 वर्षे झाल्याच्या दिवशी दक्षिण कोरियाच्या लोकांसाठी एक व्हिडिओ मेसेज पाठवला आहे. हा व्हिडिओ आज सेऊल इथं झालेल्या कार्यक्रमामध्ये दाखवण्यात आला. मोदींनी यामध्ये म्हटलं की, या विशेष क्षणी त्या शूरवीरांना सलाम ज्यांनी कोरियात शांतता राखण्यासाठी प्राणांचे बलिदान दिले. भारताने 70 वर्षांपूर्वी झालेल्या या युद्धावेळी 60 पॅरा फील्ड अॅम्ब्युलन्सने वैद्यकिय मदत करत मोलाचं योगदान दिलं होतं याचा अभिमान आहे. 

भारत-चीन वादाच्या पार्श्वभूमीवर ब्रिटनच्या पंतप्रधानांचे मोठं वक्तव्य, म्हणतात...

पंतप्रधान म्हणाले की, कोरियात शांतता प्रस्थापित कऱण्यासाठी आणि त्याला प्रोत्साहन देण्याबद्दल राष्ट्रपती मून जेई इन यांच्या प्रयत्नांचे कौतुक करतो. कोरियामध्ये 1950 ते 1953 या काळात युद्ध झालं होतं. याची सुरुवात 25 जून 1950 ला उत्तर कोरियावर आक्रमणापासून झाली होती. शीतयुद्धाच्या काळात झालेलं हे सर्वात मोठं युद्ध होतं. 
कोरियातील या युद्धामध्ये उत्तर कोरियाला सोविएत संघ आणि चीनने समर्थन दिलं होतं तर दक्षिण कोरियासोबत अमेरिका होती. तीन वर्षे चालेलेल्या या युद्धातून काहीच निष्पन्न झालं नाही मात्र जिवीत हानीसह तणाव मात्र वाढला. 

युद्धाला 70 वर्षे पूर्ण झाल्याच्या पार्श्वभूमीवर दक्षिण कोरियाने युद्धात महत्वाची भूमिका बजावणाऱ्या भारतीय कर्नल ए जी रंगराज यांनी त्यांच्या देशाचा सर्वात मोठा सन्मानाचा वॉर हिरो हा पुरस्कार देण्याच निर्णय घेतला होता. लेफ्टनंट कर्नल एजी रंगराज यांच्या नेतृत्वाखाली 60 पॅराशूट फिल्ड अॅम्ब्युलन्सने नॉर्थ आणि साउथ कोरियामध्ये झालेल्या युद्दात मोबाइल आर्मी सर्जिकल हॉस्पिटल चालवलं होतं. यामध्ये 627 जवानांचा समावेश होता. 

WHO ने कोरोनाबाबत दिला आणखी एक इशारा

खरंतर दक्षिण कोरियाच्या बाजुने असलेल्या अमेरिकेला वाटत होतं की भारताने या युद्धात त्यांचे सैन्य पाठवावे. मात्र तेव्हा तत्कालीन पंतप्रधान पंडित नेहरू यांना याला नकार दिला. पण लष्कराची मेडिकल कोअरची एक तुकडी पाठवली होती.