प्रेमासाठी लोक वाट्टेल ते करायला तयार असतात. बॉलिवूडमधील चित्रपटांनी प्रेमाची अशी काहीतरी विचित्र फ्रेम सेट केल्याचेही दिसून येते. दुबईत एका बॉयफ्रेंडने अफलातून धाडस केल्याची घटना उघड झाली आहे. त्याने आपल्या गर्लफ्रेंडला खूश करण्यासाठी  चक्क  मिलयन डॉलरच्या प्रजातीच्या  उंटांच्या पिल्लाची चोरी केल्याची घटना समोर आली आहे. दुबईतील स्थानिक वृत्तपत्राने दिलेल्या वृत्तानुसार, गर्लफ्रेंडला बर्थडे गिफ्ट देण्यासाठी एकाने महागड्या आणि दुर्मिळ प्रजातीच्या उंटाच्या पिल्लाची चोरी केली. त्याची ही चोरी पकडली गेल्याने त्याला अटक करण्यात आली.   

या महिन्याच्या सुरुवातीला महागड्या प्रजातीच्या उंटाचे पिल्लू चोरीला गेल्याची तक्रार संबंधीत मालकाने पोलिसांत दाखल केली होती. त्यानंतर दुबई पोलिसांनी पिल्लाचा आजूबाजूच्या परिसरात शोध घेण्यास सुरुवात केली. यादरम्यानअमिरातमधील एका व्यक्तीने पोलिस अधिकाऱ्यांना फर्म हाऊसच्या 3 किमी परिसरात उंटांचं पिल्लू भटकत असताना आढळले, अशी माहिती देत पिल्लू आपल्याकडे असल्याचे सांगितले.  

अगायाया! ट्रम्प यांची बिल्डिंग 7 सेकंदात जमीनदोस्त, VIDEO बघा

उंटाचं पिल्लू इतक्या लांब जावू शकत नव्हते. त्यामुळे पोलिसांना त्याच्यावर संशय आला.  ज्यावेळी पोलिसांनी त्याची कसून चौकशी केली त्यावेळी तो खोटे बोलत असल्याचे उघड झाले. त्याने गर्लफ्रेंडला बर्थडे गिफ्ट देण्यासाठी दुर्मिळ प्रजातीच्या उंटाच्या पिल्लाची चोरी केली होती, अशी कबुली दिली.

हेही वाचा - 'ही काय प्रश्न विचारण्याची नवी फॅशन?' दिशा रवीच्या अटकेवरुन अमित शहा यांची आली प्रतिक्रिया

पोलिसांनी तपास वेगाने सुरु केल्यानंतर त्याच्या मनात भीती निर्माण झाली होती. आपली चोरी पकडली जाईल, या भीतीने तो स्वत: पोलिस अधिकाऱ्यांना उंटांचे पिल्ले सापडल्याचे सांगत होता. पण त्याने जी कहाणी रचली होती. ती तर्कशुद्ध नव्हती त्यामुळे त्याची चोरी पकडली गेली. पोलिसांनी संबंधित उंटाच्या पिल्लाला त्याच्या मालकाच्या स्वाधीन करत चोरट्याला अटक केले आहे. स्थानिक वृत्तपत्राच्या माहितीनुसार या दुर्मिळ उंटाची किंमत मिलीयनच्या घरात आहे.