वेलिंग्टन - न्यूझीलंडच्या पंतप्रधान जेसिंडा आर्डर्न यांनी गुरुवारी मोठी घोषणा करताना भारतातून येणाऱ्या प्रवाशांवर बंदी घातली आहे. न्यूझीलंडने 28 एप्रिलपर्यंत सर्व प्रवाशांना प्रवेश बंद करण्याचा निर्णय घेतला आहे. भारतात कोरोनाचे एक लाखांहून अधिक रुग्ण सापडत असताना न्यूझीलंडने हा निर्णय घेतला आहे. 11 एप्रिलपासून या निर्णयाची अंमलबजावणी करण्यात येणार आहे. तसंच 28 एप्रिलपर्यंत परिस्थितीचा आढावा घेऊन पुढचा निर्णय घेतला जाणार आहे.
जेसिंड आर्डर्न यांनी म्हटलं की, सध्या कोरोनाच्या जगभरातील वाढत्या रुग्णसंख्येच्या पार्श्वभूमीवर हा निर्णय घेण्यात आला आहे. फक्त एका देशापुरता मर्यादित असा निर्णय नाही. खबरदारी म्हणून प्रवाशांना देशात येण्यास बंदी घातल्याचंही आर्डर्न यांनी स्पष्ट केलं. न्यूझीलंडमध्ये बुधवारी 7 नवीन रुग्ण आढळले. ऑक्टोंबरनंतर ही सर्वाधिक संख्या असल्याचंही आर्डर्न यांनी सांगितलं. न्यूझीलंडच्या सीमेवर 23 कोरोना पॉझिटिव्ह रुग्ण आढळले होते. त्यापैकी 17 जण भारतातलेच होते. त्यामुळे न्यूझीलंडने तात्काळ प्रवाशांसाठी बंदीचा निर्णय घेतला.
जगात कोरोना रुग्णांच्या आकडेवारीमध्ये भारत सर्वाधिक रुग्ण असलेल्या देशांच्या यादीत तिसऱ्या क्रमांकावर आहे. तसंच जगात एका दिवसामध्ये सर्वाधिक रुग्ण भारतातच सापडत आहेत. तर अमेरिकेनंतर रिकव्हरी झालेल्या रुग्णांची संख्याही भारतात जास्त आहे. मृत्यूदर मात्र इतर देशांच्या तुलनेत भारतात कमी आहे.
भारतात कोरोना प्रतिबंधक लशीच्या लसीकरण मोहिमेला 16 जानेवारीपासून सुरवात झाली आहे. आतापर्यंत देशातील 8 कोटी 70 लाख नागरिकांना कोरोनाचा डोस देण्यात आले आहेत. बुधवारी देशात 33 लाख 37 हजार जणांना लस दिली. कोरोना लशीचा दुसरा डोस देण्यास 13 फेब्रुवारीपासून सुरुवात झाली आहे. 1 एप्रिलपासून 45 वर्षांवरील सर्वांना लस दिली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.