वॉशिंग्टन- उत्तर कोरिया आणि दक्षिण कोरिया याच्यातील संबंध ताणल्याच्या पार्श्वभूमीवर अमेरिकेने उत्तर कोरियावर टीका केली होती. यावर उत्तर कोरियाने प्रत्युत्तर दिलं आहे. डोनाल्ड ट्रम्प यांना देशातील राष्ट्रपतीपदाची निवडणूक कायदेशीररित्या पार पडावी असं वाटत असेल तर त्यांनी तोंड बंद ठेवावे, अशी धमकी उत्तर कोरिया कडून देण्यात आली आहे.

दक्षिण कोरिया आणि उत्तर कोरिया या देशांमध्ये सुरु असलेल्या वादापासून अमेरिकेने दूर रहावे. येत्या काळात अमेरिकेत राष्ट्रपतीपदासाठी निवडणूक होणार आहेत. ही निवडणूक कायदेशीर पद्धतीने सुरळीत पार पाडावी असं वाटत असेल तर ट्रम्प यांनी तोंड बंद ठेवावे. दूसऱ्यांच्या अतंर्गत बाबींमध्ये ढवळाढवळ करु नये, असा इशारा उत्तर कोरियाने दिला होता. 

कोरोनाचं थैमान असताना आणखी एक संकट ओढावणार, UN ने दिला गंभीर इशारा

उत्तर कोरियाचे हुकमशहा किंम जोंग उन हे दक्षिण कोरियावर संतापले आहेत. त्यांनी शेजारी राष्ट्राशी सर्व प्रकारचे लष्करी आणि राजनैतिक संबंध संपवण्याचा निर्णय घेतला आहे. यापार्श्वभूमीवर डोनाल्ड ट्रम्प यांनी उत्तर कोरिया या देशावर टीका केली होती. परिणामी उत्तर कोरियाने पलटवार केला आहे.

कोरोनाच्या संकटातही सुरक्षित 10 देशांची यादी जाहीर; जाणून घ्या भारत कितव्या स्थानी

दरम्यान, सीमेपार पत्रकं फेकणे, हवेत फुगे सोडणे अशाप्रकारच्या घटना कोरियाई देशांच्या सीमेवर घडत आहेत. पत्रकांमध्ये आणि फुग्यांमध्ये किम जोंग उन यांच्या विरोधात अश्लिल भाषा आणि उत्तर कोरियातील सरकारविरोधी लिहिलं जातं आहे. उत्तर कोरियाने अनेक वेळा याविरोधात आपली नाराजी व्यक्त केली आहे. मात्र, दक्षिण कोरियाकडून याची दखल घेतली जात नाही असं सांगत उत्तर कोरियाने संबंध तोडण्याचा निर्णय घेतला आहे.

USA Election : कोरोनाच्या संकटातही ट्रम्प यांना प्रचारसभेची घाई; ट्रम्प काय म्हणाले पाहा

उत्तर कोरिया सर्वात आधी कोरियाई देशांमध्ये असलेल्या संपर्क लाईनला तोडणार आहे. त्यामुळे या दोन्ही देशांमधील संपर्क पूर्णपणे तुटणार आहे. तसेच राष्ट्रपतींसाठी तयार करण्यात आलेली हॉट लाईन देखील तोडली जाणार आहे. दक्षिण कोरियाच्या विश्वासघातकी वागणुकीवर आम्ही नाराज असल्याचं उत्तर कोरियाने म्हटलं आहे. तसेच दक्षिण कोरियाच्या अधिकाऱ्यांनी बेजबाबदारपणे वक्तव्य करुन किम जोंग उन यांच्या प्रतिष्ठेला हानी पोहोचवली आहे, असं उत्तर कोरियाने म्हटलं आहे.