Ayodhya Verdict : अयोध्या निकालामुळे पाकिस्तानच्या पोटात दुखतंय!
इस्लामाबाद : बहुप्रतीक्षित अयोध्या जमीन वादाच्या निकालावर पाकिस्तानचे परराष्ट्रमंत्री शहा महमूद कुरेशी यांनी आक्षेप नोंदविला आहे.
कर्तारपूर कॉरिडॉरच्या उद्‌घाटनाच्या आनंददायक प्रसंगात लागलेल्या या निकालामुळे आपल्याला दुःख झाले आहे. भारतातील मुस्लिम दबावाखाली असल्याचा आरोप करत या निर्णयामुळे दबाव आणखी वाढेल, असे मत नोंदविले.
अयोध्येच्या निकालाबाबत प्रतिक्रिया देत कुरेशी यांनी या निर्णयाबद्दल सविस्तर चर्चा केल्यानंतर पाकिस्तान आपली प्रतिक्रिया देईल, असे सांगितले.
विज्ञान आणि तंत्रज्ञानमंत्री फवाद हुसेन यांनीही नाराजी व्यक्त केली आहे. माहिती आणि प्रसारण मंत्रालयाचे पंतप्रधानांचे विशेष सहायक फिरदौस आशिक अवान म्हणाले की, कर्तारपूर कॉरिडॉर सुरू करून पाकिस्तान मानवी हक्काची हमी देत असताना भारतीय न्यायालयाने दिलेला निकाल समाधानकारक नाही.
दरम्यान, पाकिस्तानच्या डॉन न्यूजने निकालासाठी आणखी काही दिवस थांबण्याची आवश्‍यकता बोलून दाखविली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.