संगीताला देशाच्या सीमारेषाचे बंधन नसते. म्हणूनच भारताचे संगीत पाकिस्तानात आणि पाकिस्तानातले संगीत भारतात ऐकले जाते. हेच प्रेम व्यक्त करणारा एक व्हीडिओ सध्या चर्चेचा विषय ठरत आहे. पाकिस्तानी रबाब वादक सियाल खानने जन-गण-मन हे भारताचे राष्ट्रगीत वाजवून भारतीयांना स्वातंत्र्यदिनाची भेट दिली आहे. हा व्हीडिओ इंटरनेटवर लोकांचे मन जिंकत आहे.

रबाब हे एक तंतू वाद्य आहे. हे वाद्य वीणेसारखे असते. हे वाद्य पाकिस्तान, अफगाणीस्तान व काश्मीरमध्ये फार लोकप्रिय आहे. व्हीडिओत सियाल खान यांच्या मागे शांत सुंदर पहाड व हिरवळ दिसत आहे. यात राष्ट्रगीताचे सूर फारच मोहक वाटत आहेत. पोस्ट खाली त्यांनी सीमेपार असणाऱ्या माझ्या दर्शकांसाठी भेट असे लिहिले आहे.

संगीतकाराने पुढे लिहिले आहे की, भारताला स्वातंत्र्यदिनाच्या शुभेच्छा. मी शांती, सहिष्णूता व आपल्यात चांगले संबंध असून मैत्री व सद्भावनेच्या हेतूने भारताच्या राष्ट्रगीत वाजवण्याचा प्रयत्न केला आहे. हा व्हीडिओ व्हायरल झाला आहे. ट्वीटरवर याला आधीच ८ लाख पेक्षा अधिक व्हीव्यूज मिळाले आहेत. ५० हजाराच्या जवळ लाईक्स मिळाले आहेत.