इस्लामाबाद: पाकिस्तानमधील एका वृत्तवाहिनचा बेजबाबदारपणा चव्हाट्यावर आला असून, जगभरातून टीकेची झोड उठली आहे. ब्रिटनचे पंतप्रधान बोरिस जॉन्सन यांच्या प्रकृतीत सुधारणा होत असताना निधन झाल्याचे वृत्त दिले आणि एकच खळबळ उडाली.
ब्रिटनचे पंतप्रधान बोरिस जॉन्सन यांना करोनाचा संसर्ग झाला असून, त्यांना आयसीयूमध्ये दाखल करण्यात आले आहे. त्यांच्या प्रकृतीत सुधारणा होत आहे. मात्र पाकिस्तानमधील एका वृत्तवाहिनीने खोट्या बीबीसी अकाऊटच्या हवाल्याने बोरिस जॉन्सन यांचे निधन झाल्याचे वृत्त प्रसारित केले. या बेजबाबदारपणासाठी या वृत्तवाहिनीवर आता टीकेची झोड उठली आहे.
पाकिस्तानमधील पत्रकार वझाहत काझमी यांनी या वृत्तांकनाचा व्हिडीओ ट्विटवर शेअर केला आहे. “डॉन न्यूज या वृत्तवाहिनीने ब्रिटनचे पंतप्रधान बोरिस जॉन्सन यांचे करोनामुळे निधन झाल्याचे वृत्त ब्रेकिंग न्यूज म्हणून प्रसारित केले. त्यांनी हे वृत्त देताना बीबीसी वर्ल्डच्या खोट्या ट्विटर अकाऊंटचा संदर्भ दिला. या अकाऊंटला अवघे काही शेकडो फॉलोअर्स आहेत,” असे काझमी यांनी आपल्या ट्विटमध्ये म्हटले आहे. या व्हिडिओमध्ये ‘करोना व्हायरस के कारण ब्रिटन के वझीरे आझम बोरिस जॉन्सन इंतकाल हो गये है,’ असं बातम्या वाचणारी वृत्तनिवेदिका सांगताना दिसत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.