Rockets hit Kandahar airport in Afghanistan : अफगाणिस्तानमधील कंधार विमानतळावर रॉकाट हल्ला झाला आहे. AFP ने विमानतळाच्या हवाल्यानं हे वृत्त दिले आहे. या हल्ल्याबाबत अद्याप आणखी कोणतीही माहिती मिळालेली नाही. प्राथमिक माहितीनुसार, हा हल्ला तालिबानच्या दहशतवाद्यांनी केलेला असेल. या हल्ल्यात आतापर्यंत किती जणांचा मृत्यू झाला अथवा विमानतळाचं किती नुकसान झालं. याची कोणताही माहिती समोर आलेली नाही. दक्षिण अफगाणिस्तानमध्ये तीन रॉकेट हल्ले झाले आहेत. तालिबान्यांनी संपूर्ण अफगाणिस्तानमध्ये आपले हल्ले केले आहेत. कंधार विमानतळावर झालेल्या हल्ल्यामुळे सध्या सर्व सर्व उड्डाणे रद्द करण्यात आली आहेत, अशी माहिती विमानतळ प्रमुख मसूद पश्तून यांनी दिली आहे.

मागील काही दिवसांपासून तालिबान आणि अफगाणिस्तान यांच्यात संघर्ष सुरु आहे. गेल्या आठवड्यात ताकहार प्रांताची राजधानी तालुकानवर तालिबानच्या दहशतवाद्यांनी हल्ला केला होता. मात्र, अफगाण सैन्यांनी हा हल्ला हाणून पाडला होता. यामध्ये जवळपास 28 तालिबानी दहशतवाद्यांचा खात्मा झाला होता.

अमेरिकेचे सैन्य ऑगस्टच्या अखेरीस अफगाणिस्तानातून माघार घेणार आहे. त्याआधी तालिबानचा जास्तीत जास्त प्रदेशावर ताबा मिळवण्याचा प्रयत्न आहे. यातूनच, वेगवेगळ्या दिशांनी हल्ला करण्याचा कट दहशतवाद्यांनी आखला जात आहे.