इजिप्त : जगात असे अनेक लोक आहेत जे आपल्या जगावेगळ्या कामगिरीने चर्चेत येतात. अनेक जण चित्रविचित्र असे रेकॉर्ड करतात, जे आपल्या कधी ध्यानीमनीही नसतात. बरेचशे अशक्यप्राय असे वाटणारे रेकॉर्ड्स जगातील अनेक लोक करताना दिसतात. त्यांच्या या कर्तुत्वाने अगदी थक्क व्हायला होतं. असेच एक कर्तृत्व आता समोर आलं आहे जे ऐकल्यावर तुम्हाला आश्चर्याचा धक्का बसेल. इजिप्तमधल्या एका स्कूबा ड्रायव्हरने असा एक रेकॉर्ड केलाय जो अकल्पनीय आहे.
सद्दाम अल-किलानी असं या स्कूबा ड्रायव्हरचं नाव आहे. त्याने खाऱ्या पाण्यात सर्वांत काळा राहण्याचा रेकॉर्ड केलाय. हा रेकॉर्ड करण्यासाठी सद्दाम हा तब्बल सहा दिवस पाण्यात होता. 29 वर्षांच्या सद्दाम डोहाब कोस्टवर रेड सीमध्ये 145 तास 30 मिनीट घालवले आहेत.
पाण्यात सर्वाधिक काळ राहून रेकॉर्ड बनवणाऱ्या या सद्दाम यांचा एक व्हिडीओदेखील सध्या सोशल मीडियावर तुफान व्हायरल होतो आहे. या व्हिडीओच्या सुरवातीला ते स्वत:ला फिट करताना दिसत आहेत. सोबतच ते पाण्याच्या आत वेगवेगळ्या प्रकारच्या कसरती करताना दिसत आहेत. या दरम्यानच सद्दाम यांनी पाण्याच्या आत पेंटीगदेखील केली आहे. हा व्हिडीओ Known Unknowns नावाच्या एका युट्यूब पेजवरुन प्रसारित करण्यात आला आहे.
मिळालेल्या माहितीनुसार, वर्ल्ड रेकॉर्डची ही स्पर्धा 6 नोव्हेंबर रोजी डोहाब कोस्टमध्ये सुरु झाली होती. सद्दाम यांच्या बाहेर येण्याची वाट पाहत शेकडो स्थानिक लोक, पर्यटक आणि डायव्हींग ग्रुप्स तीन दिवस तिथेच होते. सोबतच सद्दाम यांच्या तब्यतेची काळजी घेण्यासाठी प्रत्येकवेळी पाण्याच्या आत एक मेडीकल टीम रोटेटींग शिफ्टमध्ये तैनात होते. याआधी 2016 मध्ये तुर्कीश डायव्हर चेम कराबे यांनी 142 तास 42 मिनिटांपर्यंत पाण्यात राहण्याचा रेकॉर्ड केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.