Senegal Bus Accident News : आफ्रिकेतील देश सेनेगल येथे दोन बसेसमध्ये झालेल्या भीषण अपघात ४० जणांचा मृत्यू झाला असून तब्बल ८७ लोक जखमी झाले आहेत. ही घटना सेंट्रल सेनेगलच्या कॅफरीन येथील गनीवी गावात झाला आहे.

ही घटना रविवारी पहाटे ३.१५ वाजता घडली. देशाचे अध्यक्ष मॅकी सॅल (President Macky Sall) यांनी या घटनेत मृत्युमुखी पडलेल्या ४० लोकांसाठी तीन दिवसांचा राष्ट्रीय दुखवटा जाहीर केला आहे.

मिळालेल्या माहितीनुसार सेनेगलमधील राष्ट्रीय मार्ग क्रमाक १ वर हा अपघात घडला आहे. एका सार्वजनिक बसचे टायर पंक्चर झाल्यामुळे चालकाचा वाहनावरील ताबा सुटला. परिणामी पहिली बस समोर येणाऱ्या दुसऱ्या बसवर आदळली. सोशल मीडियावरील अपघाताचे अनेक फोटो व्हायरल झाले आहेत. या फोटोंमध्ये बस एकमेकांवर आदळल्या दिसत आहेत. दरम्यान या भीषण घटनेनंतर येथील राष्ट्राध्यक्ष मॅकी शाल यांनी दु:ख व्यक्त केले आहे.