Modi Ji Thali in US Restaurant: न्यू जर्सी येथील एका रेस्टॉरंटने पंतप्रधान नरेंद्र मोदी यांच्या सन्मानार्थ खास थाळी सुरू केली आहे. 'मोदी जी थाळी' या नावाने खास थाळी उपलब्ध करण्यात येणार आहे. पंतप्रधान नरेंद्र मोदी यांच्या दौऱ्याच्या सन्मानार्थ ही थाळी सुरू करण्यात आली आहे.

अमेरिकेचे राष्ट्राध्यक्ष जो बिडेन आणि फर्स्ट लेडी जिल बिडेन यांच्या निमंत्रणावरून पंतप्रधान नरेंद्र मोदी अमेरिकेला भेट देणार आहेत. पीएम मोदी बुधवार 21 ते शनिवार 24 जून या कालावधीत अमेरिका दौऱ्यावर असतील.

पंतप्रधान मोदींच्या या भेटीपूर्वी न्यू जर्सीमधील एका रेस्टॉरंटने 'मोदी जी थाळी' नावाची थाळी तयार केली आहे. या थाळीचा एक व्हिडिओ सोशल मीडियावर व्हायरल होत आहे.

थाळीत कोणते पदार्थ?

थाळीच्या पदार्थांमध्ये खिचडी, रसगुल्ला, दम आलू, इडली, ढोकळा, ताक, पापड आणि बरेच पदार्थ समाविष्ट आहे. त्याची पाककृती श्रीपाद कुलकर्णी यांनी तयार केली आहे. मेनूमध्ये बाजरीचा वापर मोठ्या प्रमाणात करण्यात आला आहे.

अद्याप ग्राहकांसाठी ही थाळी लाँच केली नाही. रेस्टॉरंटच्या मालकाचे म्हणणे आहे की आम्ही लवकरच ते सुरू करू आणि लवकरच डॉ. जयशंकर यांच्या नावाने दुसरी थाळी सुरू केली जाईल.

या प्लेटची किंमत किती आहे?

याच्या किंमतीबाबत रेस्टॉरंटने अद्याप कोणतीही माहिती दिलेली नाही. रेस्टॉरंटचे म्हणणे आहे की किंमतीची माहिती लॉन्च झाल्यानंतर दिली जाईल.

पंतप्रधान मोदी जूनमध्ये राष्ट्राध्यक्ष जो बिडेन आणि फर्स्ट लेडी जिल बिडेन यांच्यासोबत अमेरिकेच्या राज्य दौऱ्यावर जाणार आहेत. 22 जून रोजी अमेरिकेचे राष्ट्राध्यक्ष आणि फर्स्ट लेडी देखील मोदींना सरकारी डिनरसाठी होस्ट करतील.

पंतप्रधानांचा हा सर्वात मोठा दौरा:

त्यांच्या या दौऱ्यात मोदी दुसऱ्यांदा अमेरिकन काँग्रेसच्या संयुक्त बैठकीला संबोधित करणारे पहिले भारतीय पंतप्रधान असतील. येथे शिष्टमंडळ स्तरावर चर्चा होईल.

मोदींचा हा दौरा अमेरिकेतील सर्वात मोठा दौरा असेल. या भेटीदरम्यान व्यापार, संरक्षण आणि महत्त्वाच्या मुद्दांवर सविस्तर चर्चा होणार आहे.