तैवान आज (मंगळवारी) पहाटे तीव्र भूकंपाच्या झटक्यांनी हादरले आहे. तैवानची राजधानी तैपेईमध्ये आज(मंगळवारी) सकाळी 5.6 रिश्टर स्केलचा भूकंप झाला. वृत्तसंस्था रॉयटर्सने दिलेल्या माहितीनुसार, भूकंपाच्या वेळी तैपेईमध्ये तीव्र धक्क्यामुळे इमारतींमध्ये कंपने जाणवली.

तैवानची राजधानी तैपेईमध्ये आज (मंगळवारी) सकाळी 5.6 रिश्टर स्केलचा भूकंप झाला. वृत्तसंस्था रॉयटर्सने दिलेल्या माहितीनुसार, भूकंपाच्या वेळी तैपेईमधील इमारती हादरू लागल्या. मात्र, यात कोणतीही जीवितहानी किंवा वित्तहानी झाल्याचे वृत्त नाही. तैवानच्या सेंट्रल वेदर ब्युरोने सांगितले की, भूकंपाचा केंद्रबिंदू बेटाच्या पूर्व किनाऱ्याजवळील समुद्रात होता.

नेपाळमध्येही हादरे

नेपाळमध्ये आज (मंगळवारी) सकाळी पुन्हा एकदा भूकंपाचे धक्के जाणवले. राष्ट्रीय भूकंप विज्ञान केंद्रानुसार, राजधानी काठमांडूमध्ये आज (२४ ऑक्टोबर) पहाटे ४:१७ वाजता ४.१ रिश्टर स्केलचा भूकंप झाला.

दोन दिवसात चार देशांना भूकंपाचे हादरे

मागील दोन दिवसात भारतासह चार देशांमध्ये भूकंपाच्या धक्क्यांनी हादरले आहे. तैवान, म्यानमार, नेपाळसह भारतातील जम्मू-काश्मीरच्या काही भागात भूकंपाचे हादरे जाणवले आहेत. काल (सोमवारी) सकाळी सहा वाजता म्यानमारमध्ये भूकंपाचे धक्के जाणवले होते. रिश्टर स्केलवर त्याची तीव्रता ४.३ इतकी नोंदवली.

भूकंपाचा केंद्रबिंदू म्यानमारमध्ये पृष्ठभागाखाली ९० किलोमीटरवर होता. मिझोराममध्ये रविवार-सोमवारच्या मध्यरात्री २ वाजून ०९ मिनिटांनी झालेल्या भूकंपाची तीव्रता रिश्टर स्केलवर ३.५ नोंदवण्यात आली. मिझोरामच्या राजधानीत भूकंपाचा केंद्रबिंदू होता.