Twitter Logo : इलॉन मस्कनी ट्वीटरचा मालकी हक्क घेतल्यानंतर तो वेगवेगळ्या कारणाने चर्चेत आला. कधी ट्विटरच्या नियमांमध्ये बदल तर कधी काही.. आता पुन्हा इलॉन मस्क चर्चेत आलाय. इलॉन मस्कने चक्क ट्वीटरचा लोगो चेंज केल्याने सगळीकडे एकच चर्चा रंगलीय.

इलॉन मस्कने ट्वीटरचा लोगो चेंज करुन चिमणी ऐवजी चक्क 'डॉज' हा आपला नवा लोगो बनवला आहे. पण तुम्हाला माहिती आहे का इलॉन मस्कनी ही एक खेळी खेळली आणि त्याचा थेट परिणाम Cryptocoinवर झालाय. Dogecoin मध्ये वाढ झाली.

इलॉन मस्कनी लोगो चेंज केल्यानंतर अगदी 30 मिनिटांमध्ये Dogecoin $0.077 वरुन $0.10 वर गेलाय.CoinMarketCap.com च्या मते, dogecoin ही आठवी सर्वात मुल्यवान cryptocurrency आहे.

Dogecoin म्हणजे काय?

सॉफ्टवेअर इंजिनीअर बिली मार्कस आणि जॅक्सन पामर यांनी 2013 मध्ये Dogecoinची एक ज्योक म्हणून सुरुवात केली होती. ही एक ओपन सोर्स डिजीटल चलन आहे. Dogecoin (DOGE) लोकप्रिय "डोगे" इंटरनेट मीम वर आधारीत आहे, आणि याच्या लोगोवर एक शीबा इनू या जातीच्या कुत्र्याचा फोटो आहे.

लोकांनी फक्त मजेसाठी ही करंसी वापरावी, यासाठी ही तयार केली होती. जरी Dogecoin ची ज्योक म्हणून सुरुवात झाली परंतु सोशल मीडिया आणि मीम्सच्या जोरावर आज ती जगातील सर्वात लोकप्रिय क्रिप्टोकरन्सींपैकी एक बनली आहे .

क्रिप्टोकरन्सी म्हणजे काय?

क्रिप्टोकरन्सी म्हणजे आभासी चलन. याचे व्यवहार ऑनलाईन होत असतात. ही चलनपद्धती नगदी चलनाला पर्याय असणारी एक डिजीटल किंवा व्हर्च्युअल करन्सी आहे. जी वापरण्यासाठी इंटरनेटची गरज पडते. या चलनाची साठवणूक करणेही धोकादायक ठरू शकते कारण यावर कोणत्याही सरकारचे किंवा बँकेचे नियंत्रण नसते. यामधील बिटकॉइन हे प्रसिद्ध अभासी चलन आहे.