गेल्या काही महिन्यांपासून ट्विटर कोणत्याना कोणत्या कारणावरुन सतत चर्चेत येत असतं. मागील वर्षी इलॉन मस्कने ट्वीटर खरेदी केल्यानंतर ट्वीटरवर अनेक बदल करण्यात आले. ब्लू टिक हटवण्याचा मुद्दा सुद्धा मागील काही दिवसांमध्ये बराच गाजला. आता इलॉन मस्कने आणखी एक नवी घोषणा केली आहे. मुळात घाबरण्याचं काहीही कारण नाही कारण यावेळी इलॉन मस्कने आपल्या युजर्सला आनंदाची बातमी दिली आहे.

ट्विटर लवकरच युजर्ससाठी Voice आणि Video चॅट चे फीचर आणणार आहे. याविषयी इलॉन मस्कने स्वत: ट्वीट करत माहिती दिली.

इलॉन मस्कने ट्वीटमध्ये सांगितले, "Encrypted DMs V1.0 उद्या रिलीज होणार आहे. या एन्क्रिप्शनद्वारे कोणीही तुमचा डीएम पाहू शकणार नाही. सोबतच व्हॉईस आणि व्हिडिओ चॅटचे फीचरही लवकरच येणार आहे ज्यामुळे तुम्ही जगातील कोणत्याही व्यक्तीशी फोन नंबरशिवाय व्हिडीओ कॉलवर किंवा व्हॉईस चॅटवर बोलू शकणार."

यामुळे आता ट्वीटरवर लवकरच मोठे बदल पाहायला मिळतील. व्हिडीओ कॉल किंवा व्हॉईस चॅटची सुविधा सुरू झाल्यानंतर ट्वीटरवर युजर्सच्या संख्येत भर पडू शकतो ज्याचा फायदा इलॉन मस्कला नक्की होणार. इलॉन मस्क यासोबतच इनअॅक्टीव्ह अकाउंटसुद्धा बंद करणार आहे.

ट्विटरवर असे बरेच अकाउंट आहे ज्यावर पोस्ट शेअर केल्या जात नाही आणि बऱ्याच दिवसांपासून इनअॅक्टीव्ह आहे. अशा अकांउटला शोधून हे अकाउंट्स ट्वीटर लवकरच बंद करणार आहे.