वाशिंग्टन : कोरोना विषाणूचे अमेरिकेत मोठ्या प्रमाणात जाळं पसरले आहे. सध्याच्या घडीला अमेरिकेत सर्वाधिक कोरोनाग्रस्त रुग्ण आहेत. शिवाय मृतांचा आकडाही थक्क करणारा आहे. संकटावर नियंत्रण मिळवण्यासाठी ट्रम्प प्रशासनासमोर मोठं आव्हान उभे राहिले असताना आता एका अभ्यासातून अमेरिकेतील परिस्थितीत आणखी बिकट होण्याची शक्यता वर्तवण्यात आली आहे. यूनिवर्सिटी ऑफ वॉशिंग्टनच्या अभ्यासात ऑगस्टपर्यंत अमेरिकेती आकडा हा 1 लाख 45 हजारच्या घरात पोहचण्याची शक्यता वर्तवली आली आहे. याच रिसर्च टीमने शनिवारी आपल्या निवेदनात मृतांचा आकडा हा 140,496 पर्यंत पोहचेल असे म्हटले होते. त्यानंतर आता नव्याने जारी केलेल्या अंदाजातील संख्याही तब्बल 5000 हजाराने वाढली आहे. हा फरक नेमका कोणत्या अनुमानाच्या आधारावर झाला याबाबत रिसर्च टिमने कोणतेही स्पष्टीकरण दिलेले नाही. कोरोना विषाणूच्या प्रादुर्भावामुळे अमेरिकेत आतापर्यंत 113055 लोकांनी जीव गमावला आहे.   

हा देश झाला कोरोनामुक्त; कोणता ते वाचा

टेक्सासमध्ये सर्वाधिक कोरोनाग्रस्त आढळल्यानंतर नवा अंदाड व्यक्त करण्यात आला आहे. जॉन्स हॉपकिन्स यूनिवर्सिटीच्या अभ्यासानुसार,  अमेरिकेतील मिशिगन आणि एरिजोनामध्ये कोरोनाग्रस्तांचा आकडा हा वेगाने वाढत आहे. दुसरीकडे  वर्जीनिया, रोड आइलँड आणि नेब्रास्का या भागात कोरोनाग्रस्तांचा आकडा पूर्वीच्या तुलनेत नियंत्रणात आला असून कोरोनाग्रस्तांचा खालावणारा आकडा हा समाधानकारक असा आहे. 
मिनिया पोलिस कस्टडीमध्ये जॉर्ज फ्लॉयड या कृष्णवर्णीयाचा दुर्देवी मृत्यू झाला होता. या प्रकरणानंतर अमेरिकेत झालेल्या आंदोलनामुळे कोरोनाग्रस्तांचा आकडा वाढण्याची शक्यता आरोग्य अधिकाऱ्यांनी व्यक्त केली होती. आगामी काही दिवसांत अमेरिकेत कोरोनाग्रस्तांचा आकडा हा विक्रमी स्तरावर पोहचेल, अशी भीती देखील आरोग्य विभागाच्या अधिकाऱ्याने व्यक्त केली होती. 

कोरोनाला रोखणारे तैवानी मॉडेल

चीनच्या वुहानमध्ये कोरोनाची लागण झालेला पहिला रुग्ण आढळला होता. त्यानंतर या विषाणूने जगभरात थैमान घातले. युरोपातील इटलीत मृत्यू तांडव केल्यानंतर अमेरिकेत कोरोना विषाणूचा कहर माजला आहे. जगभरात 7,198,636 लोक कोरोना विषाणूच्या जाळ्यात अडकले आहेत. यात एकट्या अमेरिकेतील आकडा हा 2,026,493 इतका आहे. अमेरिकेत कोरोनामुळे सर्वाधिक मृत झालेल्या व्यक्तींची संख्या अधिक आहे.