वॉशिंग्टन: अमेरिकेतील दोन ताकदवर संसद सदस्यांनी आपल्या संसदेत एक प्रस्ताव दाखल केला आहे. या प्रस्तावामध्ये त्यांनी आशियासहित संपूर्ण जगभरात लोकांना गायब करणाऱ्या घटनांना बंद करण्याची मागणी केली आहे. या प्रस्तावामध्ये श्रीलंकामधील तमिल भाषिक लोक आणि चीनमधील उईगर मुस्लिमांसहीत सर्व पीडितासांठी न्यायाची मागणी केली गेलीय.
काँग्रेस सदस्य ब्रॅड शेरमॅन आणि जॅमी रस्किन यांनी हा प्रस्ताव आणला आहे. यामध्ये अमेरिकेद्वारे 'इंटरनॅशनल कन्व्हेंन्शन फॉर द प्रोटेक्शन ऑफ ऑल पर्सन्स फ्रॉम एन्फोर्स्ड डिसअपिरियंसेस'चे अनुमोदन करण्याची मागणी केली आहे.
शेरमॅन यांनी म्हटलंय की, मानवाधिकारांच्या या प्रकारच्या उल्लंघनाबाबत काहीतरी करण्याची आवश्यकता आहे. लोकांना गायब करणं आणि मानवाधिकारांच्या अन्य उल्लंघनाच्या बाबतीत आपल्याला आवाज उठवला पाहिजे. तसेच या प्रकारांना आळा घालण्यासाठी आपल्या सहकाऱ्यांसोबत काम करण्याची आवश्यकता आहे. रस्किन यांनी म्हटलं की, लोकांना गायब करण्याची समस्या आशिया आणि जगातील इतर भागातील मानवाधिकारांचे उल्लंघन करणारी आहे.
हेही वाचा - अभिमानास्पद! भारतीय वंशाच्या माला अडिगांची 'बायडेन टीम'मध्ये महत्त्वाच्या पदावर नियुक्ती
पाकिस्तानातील सिंध समुदाय, श्रीलंकेतील तमिळ आणि मानवाधिकार कार्यकर्ते, इंडोनेशियामधील सुहार्तो शासनाचे पीडित आणि चीनमधील उईगर मुस्लिमांच्या विरोधात या प्रकारच्या नृशंस अपराधाला रोखण्यासाठी आणि सर्व पीडितांना न्याय देण्याचे समर्थन या प्रस्तावात केलं आहे. या प्रस्तावाचे एमनेस्टी इंटरनॅशनलने समर्थन केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.