वॉशिंग्टन- अमेरिकेचे अध्यक्ष ज्यो बायडेन यांच्या सरकारने एक विधेयक मंजूर केले आहे. यामुळे 5 लाखांपेक्षा अधिक भारतीयांच्या नागरिकत्वाचा मार्ग मोकळा झालाय.अमेरिकेच्या हाऊस ऑफ रिप्रेजेंटेटिव्हने यासंबंधी कायदा मंजूर केला. यानुसार, लहानपणापासून अवैध पद्धतीने अमेरिकेत राहणाऱ्या लोकांना नागरिकत्व मिळण्यास मदत होणार आहे. 'अमेरिकन ड्रीम अँड प्रोमिस अॅक्ट' नावाने मजुर झालेल्या या कायद्यामुळे अमेरिकेत राहणाऱ्या 5 लाखांपेक्षा अधिक भारतीयांचे स्वप्न पूर्ण होणार आहेत.  हाऊस ऑफ रिप्रेजेंटेटिव्हने गुरुवारी 'अमेरिकन ड्रीम अँड प्रोमिस अॅक्ट' कायदा 228-197 मतांच्या फरकाने मंजूर केला. तसेच पुढील प्रक्रियेसाठी तो सीनेटकडे पाठवण्यात आला आहे. 

कायद्यामुळे अशा लोकांनाही नागरिकत्व मिळण्यास मदत होईल, ज्यांना कायदेशीर निगराणीखाली राहावे लागत आहे आणि त्यांना आपल्या देशात परत पाठवण्याची तयारी सुरु आहे. असं सांगितलं जातंय की, या कायद्यामुळे 5 लाखांपेक्षा अधिक भारतीय नागरिकांसोबत 1 कोटी लोकांना अमेरिकेचे नागरिकत्व मिळू शकेल, ज्यांच्याकडे कागदपत्रे नाहीत. 

'किलर' टीकेनंतर गप्प बसतील ते पुतीन कसले! बायडेन यांना जशास तसं उत्तर

अमेरिकेचे अध्यक्ष ज्यो बायडेन यांनी या कायद्याचे समर्थन करताना म्हटलं की, काँग्रेसनेही या विधेयकाला मंजुरी दिली, तर 1.1 कोटी लोकांना देशाचे नागरिकत्व मिळण्याचा मार्ग मोकळा होईल. अमेरिकेमध्ये कोणत्याही कागदपत्रांशिवाय राहणाऱ्या लोकांची संख्या 1 कोटी 10 लाख आहे. अशा लोकांना बेकायदेशीररित्या अमेरिकेत राहिल्याप्रकरणी त्यांच्या मुळ देशात जायला लागू शकते. हा नवा कायदा सीनेटमध्ये मंजुरी झाल्यास याचा परिणाम 5 लाखांपेक्षा अधिक भारतीयांवर पडणार आहे.  

मंगळावरचं पाणी गेलं कुठे? ; नासाने केला खुलासा

आपल्या आई-वडिलांसोबत अमेरिकेत आलेल्या मुलांची संख्या मोठी आहे. त्यांनी त्यानंतर अमेरिका सोडलेले नाही. असे जवळपास 1.1 कोटी लोक अमेरिकेत राहत असून त्यांना अप्रवासी म्हटलं जातं. अशा लोकांना नागरिकत्व मिळवून देण्यासाठी बायडेन सरकारने संसदेत विधेयक आणले. हाऊस ऑफ रिप्रेजेंटेटिव्हमध्ये या कायद्याला मंजुरी मिळाली आहे. आता सीनेटमध्येही या विधेयकाला मंजुरी मिळाल्यास गेल्या अनेक वर्षापासून अमेरिकेत राहणाऱ्या आणि नाहरिकत्व मिळण्याची आशा ठेवणाऱ्या लोकांना दिलासा मिळणार आहे.