वॉशिंग्टन: अफगाणिस्तानात (afganistan) तालिबानने काळजीवाहू सरकार (taliban govt) स्थापन केल्याची घोषणा केल्यानंतर अमेरिकेचे राष्ट्राध्यक्ष जो बायडेन (jo biden) यांनी यावर आपली प्रतिक्रिया दिली आहे. तालिबानला सध्या चीनच समर्थन प्राप्त आहे. त्या मुद्यावर भाष्य करताना बायडेन यांनी 'तालिबानसोबत जुळवून घेण्य़ासासाठी चीन (china) काहीतरी मार्ग काढेल याची मला खात्री आहे' असं म्हटलं आहे.
चीन तालिबानला पैसा पुरवेल, याची तुम्हाला भीती वाटते का? असा प्रश्न पत्रकारांनी विचारला, त्यावर बायडेन म्हणाले की, "चीनची तालिबान बरोबर समस्या आहे. पण त्यांच्यासोबत जुळवून घेण्यासाठी, मार्ग काढण्यासाठी चीन प्रयत्न करेल, याची मला खात्री आहे" अमेरिका आणि त्यांचे सात सहकारी देश परस्परांमध्ये समन्वय साधून तालिबानचा विषय हाताळणार आहेत.
अमेरिकेने त्यांच्या बँकांमध्ये असलेला अफगाणिस्तानाचा पैसा रोखून धरला आहे. जेणेकरुन तो सहजतेने तालिबानच्या हातात पडणार नाही. महिलांना त्यांचे हक्क देणे आणि आंतरराष्ट्रीय कायद्याचे सांगितल्याप्रमाणे तालिबानच्या राजवटीत पालन होते का? ते तपासण्यासाठी अमेरिकेने हे पाऊल उचलले आहे.
चीन, रशिया आणि अन्य देशांनी तालिबानला पैसा पुरवला, तर अमेरिकेने केलेल्या आर्थिक कोंडींचा फायदा होणार नाही, असे तज्ज्ञ सांगतात. सध्या इटलीकडे जी २० चे अध्यक्षपद आहे. मोठ्या अर्थव्यवस्था असलेले देश या गटामध्ये आहेत. रशिया आणि चीन सुद्धा जी २० चा हिस्सा आहे. लवकरच हा गट अफगाणिस्तानसंबंधी व्हर्च्युअल बैठक आयोजित करणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.