tedros_adhanom 
ग्लोबल

'लस राष्ट्रवादा'वरुन WHO चा गंभीर इशारा; सर्व देशांना केले आवाहन

सकाळन्यूजनेटवर्क

बर्लिन- जागतिक आरोग्य संघटनेचे (WHO) प्रमुख टेड्रोस एडहोम यांनी कोरोना लशीच्या (Coronavirus vaccine) निर्मितीसाठी सर्व देशांनी एकता दाखवावी असं म्हटलं आहे. जगभरात झपाट्याने वाढणाऱ्या कोरोना रुग्णांबाबत त्यांनी चिंता व्यक्त केली. कोरोना महामारीवर मात करण्यासाठी एकमेव पर्याय म्हणजे सर्व देशांनी एकत्र यायला हवं, असं टेड्रोस म्हणाले आहेत. बर्लिन येथे आयोजित तीन दिवसीय जागतिक आरोग्य शिखर संम्मेलनाच्या उद्घाटनादरम्यान ते बोलत होते. 

सक्षम देशांनी गरीब देशांनाही लस मिळावी यासाठी विचार करायला हवा. आपल्या देशातील नागरिकांना पहिल्यांदा लस मिळावी असं वाटणं साहजिक आहे, पण जर आपल्याकडे प्रभावी लस असेल तर त्याचा वापरही प्रभावीपणे करायला हवा. असे करण्याचा सर्वोत्तम पर्याय म्हणजे एकाच देशातील सर्व नागरिकांना लस देण्यापेक्षा सर्व देशातील काही लोकांना लस देणे हा आहे. 'लस राष्ट्रवाद' कोरोना महामारीचा काळ कमी करण्यापेक्षा जास्त वाढवेल, असा इशारा त्यांनी दिला आहे. 

जगभरातील अनेक देश कोरोना विषाणूवर प्रभारी ठरणारी लस निर्माण करण्याच्या कामात गुंतले आहेत. 50 पेक्षा अधिक लस चाचणीच्या टप्प्यात आहेत. यातील तिसरा टप्पा अत्यंत महत्वाचा असतो. यात हजारो स्वयंसेवकांचा समावेश केला जातो. यूरोपीय संघ, अमेरिका, ब्रिटेन, जपान आणि अन्य मोठ्या देशांनी कोरोना लस निर्मिती करणाऱ्या कंपन्यांना याआधीच ऑर्डर देऊन ठेवली आहे. त्यामुळे गरीब देश या स्पर्धेत मागे पडतील, अशी चिंता निर्माण झाली आहे. 

जागतिक आरोग्य संघटनेने या समस्येतून मार्ग काढण्यासाठी एक आंतरराष्ट्रीय योजना सुरु केली आहे. पण, यासाठी लागणारा पैसा जमा करण्यासाठी संघर्ष करावा लागत आहे. डब्लुएचओने रविवारी सर्व देशांना कोरोना महामारीला रोखण्यासाठी पुढे येण्याचे आवाहन केले आहे. युरोपमध्ये कोरोनाबाधित रुग्णांची संख्या वाढताना दिसत आहे. 

उत्तर गोलार्धातील अनेक देशांसाठी सध्या संकटाचा काळ आहे. पण, कोरोना विषाणूविरोधात लढण्यासाठी लोक शारीरिकरित्या कमकुवत नाहीत. विषाणूला दूर ठेवण्यासाठी कोरोना विषाणू नियमांचे काटेकोरपणे पालन करणे आवश्यक आहे. हात धुणे, शारीरिक अंतर ठेवण्यात लोक निष्काळजीपणा करत आहेत. बाहेर विनाकारण फिरत आहेत, असं संयुक्त राष्ट्राचे महासचिव एंटोनियो गुट्रेस म्हणाले आहेत. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT