जिनिव्हा - गेल्या वर्षभरापासून जगभरात कोरोनाने थैमान घातलं आहे. आता कोरोनाचा संसर्ग कमी झाला असून अनेक देशांमध्ये लसीकरणाला सुरुवात झाली आहे. तरीही अद्याप कोरोनाचा धोका कमी झालेली नाही. आता जागतिक आरोग्य संघटनेनंसुद्धा इशारा दिला आहे. जागतिक आरोग्य संघटनेचे प्रमुख टेड्रोस यांनी म्हटलं की, कोरोना व्हायरसच्या संसर्गाचे प्रमाण जगात कमी झालं आहे ही बाब दिलासा देणारी आहे. मात्र यामुळे बेसावध होता कामा नये.
कोरोनाच्या काळात करण्यात आलेले लॉकडाऊनचे नियम आता शिथिल केले आहेत. अनेक देशात सर्व व्यवहार सुरळीत सुरु झाले आहेत. या पार्श्वभूमीवर जागतिक आरोग्य संघटनेनं इशारा दिला आहे की, कोरोना रोखण्यासाठी महत्त्वाची भूमिका बजावलेल्या निर्बंधांमध्ये सूट दिली नाही पाहिजे. जगात सलग चौथ्या आठवड्यात संसर्ग कमी झाला आहे आणि मृतांची संख्या दुसऱ्या आठवड्यातही घटली आहे.
टेड्रोस म्हणाले की, संसर्ग झालेल्यांची आणि मृतांची संख्या कमी आरोग्याबाबतीत लागू करण्यात आलेल्या कडक निर्बंधामुळे शक्य झाल्याचं वाटतं. आम्हीसुद्धा संसर्ग कमी झाल्यानं आनंदी आहे. मात्र यामुळे सध्याच्या परिस्थितीत समाधान व्यक्त करणं हे व्हायरस इतकंच धोकादायक असेल असंही त्यांनी म्हटलं. अजुन वेळ आलेली नाही की कोणत्याही देशांनी निर्बंध शिथिल करावेत. आता जर कोणाचा मृत्यू झाला तर ते खूप त्रासदायक असेल कारण लसीकरण सुरु झालं आहे. लोकांच्या मनात यामुळे भीती निर्माण होईल असंही टेड्रोस यांनी सांगितलं.
जागतिक आरोग्य संघटनेनं सांगितलं की, जगभरात या आठवड्यात कोरोनाचे 19 लाख नवीन रुग्ण आढळले आहेत. आधीच्या आठवड्यात हीच संख्या 32 लाख इतकी होती. ससंर्ग कुठून सुरु झाला याचा शोध घेण्यासाठी जागतिक आरोग्य संघटनेचं पथक नुकतंच चीनला जाऊन आलं. त्यातले तज्ज्ञ लवकरच अहवाल सादर करतील.
जगात आतापर्यंत कोरोनाचे जवळपास 11 कोटी रुग्ण आढळले आहेत. तर 23 लाख 95 हजार 906 जणांचा कोरोनामुळे मृत्यू झाला आहे. कोरोनामुक्त झालेल्यांची संख्या 8 कोटी 8 लाख 36 हजार 328 इतकी आहे. भारतातील कोरोनाबाधितांची संख्या 1 कोटी 8 लाख 92 हजार 550 इतकी झाली असून आतापर्यंत 1 लाख 55 हजार 588 जणांचा कोरोनामुळे मृत्यू झाला आहे. सध्या देशात 1 लाख 38 हजार 253 रुग्ण असून 1 कोटी 5 लाख 98 हजार 709 रुग्ण कोरोनामुक्त झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.