आरोग्याच्या दृष्टीने दात स्वच्छ करणे अत्यंत गरजेचे असते. पण अनेक लोकं दातुनने ब्रश करतात. पण बहुतेक लोकं ब्रशनेच दात घासतात. रोज आंघोळ केली नाही तरी रोज सकाळी ब्रश केला जातो. पण, असे बरेच लोक आहेत ज्यांना ब्रश करण्यासाठी प्रयत्न करावासा वाटत नाही. त्यामुळे जर एखाद्या व्यक्तीने महिनाभर ब्रश केला नाही तर त्याच्या दातांचे काय होईल? हे पाहणे गरजेचे आहे.

येतील या समस्या

१) तोंडाला वास - महिनाभर ब्रश केला नाही तर तोंडातून खूप वास येईल, तुम्हाला येणाऱ्या दुर्गंधीमुळे आजूबाजूच्या लोकांना खूप त्रास होईल. शिवाय तुमच्या दातांचे नुकसान होईल ते वेगळेच.

२) घाणीचा थर साचेल- एक महिना ब्रश न केल्यामुळे, दातांवर घाणीचा कडक थर जमू लागतो. तो नंतर कितीही वेळा ब्रश केला तरी उतरणार नाही. त्यामुळे नंतर तो काढण्यासाठी तुम्हाला डेंटिस्टची गरज लागले. हा थर जमा होताच दातांचा पांढरा रंगही निघून जाईल.

३) खाणे कठीण होईल- महिनाभर ब्रश न केल्याने दातांमध्ये बॅक्टेरिया जमा होतात. आधीच दातांमध्ये सुमारे 700 प्रकारचे 60 लाख बॅक्टेरिया आहेत. ही संख्या तुम्ही ब्रश न केल्यामुळे आणखी वाढले. हे बॅक्टेरिया दातांमध्ये पोकळी निर्माण करतील शिवाय हिरड्या कमकुवत करतील. तुम्हाला नंतर नीट काही खाताही येणार नाही.

४) दात किडतील- ब्रश न केल्यास तुमच्या दातांची बॅक्टेरिया आणि रोगांशी लढण्याची ताकद संपेल. दात किडतील तसेच पडू लागतील. तुमचे सर्व दात पडायला काही महिने लागतील.