HIV AIDS Symptoms : काही आजार हे सायलेंट किलर असतात असं म्हटलं जातं. बऱ्याचदा अशा आजारांची लक्षणं नीट कळत नसल्यानं त्यांचं निदान पण उशिरा होतं. त्यामुळं हे आजार वाढलेल्या अवस्थेतच निदान केले जातात. पर्यायाने त्यावरचे उपचारही उशिरा सुरू झाल्याने पूर्ण बरं होण्याच्या शक्यता थोड्या कमी होतात. HIV AIDS हा त्यातलाच एक आजार आहे.

त्यामुळे याची काही लक्षणं आधीच लक्षात आली तर उपचार लवकर सुरू करता येतात. जाणून घ्या लक्षणं.

एड्स हा आजार एचआयव्ही विषाणूच्या संसर्गामुळे होतो, त्याचा संसर्ग झाल्यानंतर शरीराची प्रतिकारशक्ती कमी होऊ लागते. त्यामुळे जर पुढील लक्षणं वारंवार दिसत असतील तर सावधगीरी बाळगणं आवश्यक आहे.

• एड्सची लक्षणे

या आजारावर पूर्ण उपचार आतापर्यंत शक्य झालेले नाहीत, त्यामुळे त्याची लक्षणे जाणून' घेणे खूप गरजेचे आहे, म्हणून आज आम्ही तुम्हाला एड्सच्या लक्षणांबद्दल सांगणार आहोत.

• मासिक पाळीतील बदल

जर महिलांना एचआयव्ही विषाणूची लागण झाली असेल तर त्यांच्या मासिक पाळीत बदल होऊ शकतात, मासिक पाळी सामान्यपेक्षा कमी किंवा जास्त असू शकते.

• लिम्फ नोड्समध्ये सूज

लिम्फ नोड्स हे रोगप्रतिकारक शक्तीचा भाग असतात, ते मानेच्या, डोक्याच्या मागच्या भागात, बगलात आणि मांडीवर असतात, एचआयव्हीची लागण झाल्यावर लिम्फ नोड्सची सूज दिसून येते.

• वजन कमी होणे

एड्सच्या आजारात भूक मंदावते आणि हळूहळू वजन कमी होऊ लागते.

• सतत पोटाच्या समस्या

एचआयव्हीची लागण झाल्यानंतर रुग्णाच्या पोटात काही समस्या कायम राहतात, उलट्या किंवा मळमळण्याची समस्या देखील असू शकते.

• ताप

एड्सच्या सुरुवातीच्या लक्षणांपैकी एक म्हणजे फ्लू, ताप, डोकेदुखी, थंडी वाजून येणे असू शकते.

• शरीरावर पुरळ उठणे

शरीरात पुरळ येणे हे एचआयव्हीचे सर्वात सामान्य लक्षण आहे, लाल पुरळ जवळजवळ संपूर्ण शरीरावर • दिसू शकतात, खाज सुटू शकते.

• थकवा जाणवणे

जर तुम्हाला एचआयव्ही विषाणूची लागण झाली असेल तर तुम्हाला सतत थकवा जाणवेल, शरीर दुखणे देखील होऊ शकते.