सध्याच्या काळात मोबाईल हा लोकांच्या जीवनाचा खूप महत्वाचा भाग झाला आहे. लहान मुलांच्या (Children) अभ्यासापासून अनेक महत्वाच्या कामांसाठी मोबाईल लागतोच. लोक आता प्रत्येक गोष्टीसाठी मोबाईल (Mobile) वापरत आहेत. पण मोबाईलचा हाच अतिवापर धोकादायक ठरू शकतो. मोबाईल जास्त बघितल्याने डोळे(Eye) खराब होतात हे माहिती आहेच. पण तुमच्या रोजच्या जगण्यावरही (Lifestyle) मोबाईल जास्त बघितल्यास परिणाम होतो. त्यामुळे वेळीच मोबाईचचा वापर कमी न केल्यास तुम्हाला त्याचे परिणाम भोगावे लागू शकतात. मोबाईल जास्त बघितल्याने तुम्हाला आणखीही काही त्रास होऊ शकतात.(Mobile Side Effects on Health)

त्वचेवर मुरूमं- फोनच्या हानिकारक किरणांमुळे ब्रेकआउट होऊ शकते? अनेक संशोधनांमध्ये असे आढळले आहे की मोबाईलमध्ये जंतू आणि बॅक्टेरिया असतात. फोन हाताळत असताना तुम्ही चेहऱ्यालाही हात लावू शकता. त्यामुळे चेहऱ्यावर मुरूमं आणि काळे डाग येऊ शकतात. तसेच चेहऱ्यावर अकाली वृद्धत्वाची लक्षण दिसायला लागतात. त्यामुळे तुमचा मोबाईल रोज पुसून स्वच्छ करणे गरजेचे आहे. (Mobile Side Effects in Marathi)

मनगट दुखू शकते- अती फोन वापरल्याचा आपल्या शरीरातील प्रत्येक अवयवावर परिणाम होऊ शकते. फोनच्या जास्त वापरामुळे मनगटात सुन्नपणा आणि वेदना येऊ शकतात. यामुळे मनगटात मुंग्या येऊ शकतात. सतत सेल्फी काढल्यानेही मनगट दुखू शकते.

तणाव वाढतो- अनेक लोकं तणाव कमी करण्यासाठी मोबाईल बघण्याला महत्व देतात. पण, तुम्हाला इंटरनेटवर काहीतरी वाचणे, फोन बराच वेळ वापरणे, झोप न लागणे अशा कारणांमुळेही फोनचा ताण येऊ शकतो. यावर नियंत्रण न ठेवल्यास गंभीर आजार होऊ शकतात.

झोपण्याची वेळ बदलते- प्रत्येक व्यक्तीसाठी चांगली झोप आवश्यक आहे. रात्री उशिरापर्यंत मोबाईल बघितल्याने झोपेची वेळ कमी होते. यामुळे तुम्हाला सकाळी फ्रेश वाटत नाही तसेच दिवसा झोपही येत नाही. मोबाईलच्या अतिवापरामुळे कधी कधी निद्रानाश होतो.

डोळ्यांवर परिणाम- डोळे आपल्या शरीराचा अत्यंत महत्वाचा भाग आहे. सतत मोबाईल पाहिल्याने डोळ्यांवर दाब पडतो. तसेच तुमच्या डोळ्यांचेही खूप नुकसान होऊ शकते. मोबाईलची निळी स्क्रीन सतत पाहून तुमच्या डोळ्यांवर वाईट परिणाम होतो. यामुळे तीव्र डोकेदुखी, डोळे दुखणे, तसेच डोळे कोरडे होण्याची भिती असते. अशावेळी फोन बघत असताना थोडा ब्रेक घेणे गरजेचे आहे.