Health And Fitness
सर्दी, ताप, खोकला आणि श्वास घेण्यास त्रास होणे ही कोरोना व्हायरसची सर्वसाधारण लक्षणे आहेत. मात्र, अनेकदा साधा ताप येणं, सर्दी होणं किंवा घशात खरखर होणं अशी लक्षणे आपल्यात वर्षातून दोन-तीन वेळा नक्की दिसतात. त्यामुळे सर्दी किंवा घशात खरखर होत असल्यास लगेच घाबरुन जाऊ नये. घशातील खरखर काही घरगुती उपायांनी कमी केली जाऊ शकते.  

अॅसिडिटी, अल्कोहोलचे नियमित सेवन, फ्लू, गळ्यातील इंफेक्शन, टॉन्सिल यांमुळे गळ्यात खरखर निर्माण होऊ शकते.  वायरल इंफेक्शन हे गळ्यातील खरखर होण्याचं सर्वसाधारण कारण आहे. यात खोकला येणे, नाकात खाजणे, डायरिया, आवाज बसणे यासारखी लक्षणे दिसतात. 

सायकल चालवण्याचे हे 5 फायदे तुम्हाला माहिती हवेच

अनेकदा पोटातील अॅसिड खाण्याच्या नळीपर्यंत येतं. जेव्हा हे असिड गळ्यापर्यंत येते तेव्हा खरखर सुरु होते. गळ्यातील खरखर घरातील काही साध्या उपयांनी कमी केली जाऊ शकते. लसनाची एक पाकळी गाल आणि दातांच्यामध्ये ठेवून चॉकलेटप्रमाणे त्याचा रस शोषल्याने खोकला आणि खरखर पासून आराम मिळू शकतो. 

सोनोग्राफी, स्त्रीची जीवलग मैत्रीण

मोठ्या प्रमाणात गरम द्रव्याचे सेवन करणे, जसे की, मधाचा चहा, तुळसी-लवंग टाकून तयार केलेला काढा, गरम सुप यामुळे गळ्यातील खरखर दूर होऊन आराम मिळू शकतो. अदरक, दालचीनी, लवंग, लीकोरिस यांचे मिश्रण एका ग्लासमध्ये  10 मिनिटांसाठी मिळवून दिवसातून 3 वेळा त्याचे सेवन केल्यास त्वरित आराम मिळू शकतो.

तुमच्या पायांना हवीय आरामाची गरज ; कशी घ्याल काळजी वाचा...

ताप, गिळताना त्रास होणे, श्वास घेताना त्रास होणे, कफ, जड आवाज आणि जर हे सर्व आठवड्यापेक्षाही अधिक कालावधीसाठी असेल तर त्वरित डॉक्टरांकडे जाणे आवश्यक आहे. वरिल लक्षणे अधिक दिवसांसाठी दिसत असल्यास घरगुती उपाय न करता डॉक्टरांचा सल्ला घेणे आवश्यक असते.

कोरोना आपल्या फुफ्फुसांवर कसा करतो हल्ला? काय म्हणतात संशोधक...

कोरोना व्हायरसचा प्रादुर्भाव दिवसेंदिवस वाढत आहे. त्यामुळे नागरिकांनी अधिक सतर्क राहणे  आवश्यक आहे. मात्र, कोरोनासारखी लक्षणे दिसल्यास कोरोना झाला असं समजून घाबरुन जाणेही योग्य नाही.