नागपूर : तुम्हाला रात्री उशिरापर्यंत जागायची सवय असेल किंवा तुमचे ऑफीस रात्री उशिरापर्यंत असेल तर अशावेळी खाद्यपदार्थ खाताना काळजी घ्यायला हवी. असे काही खाद्यपदार्थ आहेत जे रात्री खाल्ल्यानंतर आरोग्याच्या अनेक समस्या निर्माण होऊ शकतात. वजन वाढणे, अ‌ॅसिडिटी होणे अशा समस्या उद्भवू शकतात. मग चला तर पाहुयात रात्री खायला कोणते खाद्यपदार्थ  खायला पाहिजे आणि कोणते नाही.
हे खाद्यपदार्थ असतात हेल्दी -

पॉपकॉर्न : 
पॉपकॉर्नमध्ये कमी कॅलरीज असतात. तसेच यालाा पूर्णअन्न देखील म्हटले जाते. यामध्ये फायबरची मात्रा देखील मोठ्या प्रमाणात असते. त्यामुळे तुम्ही रात्री उशिरापर्यंत जागत असाल तर पॉपकॉर्न खाल्ल्याने तुम्हाला चांगले आरोग्य मिळेल.

ओटमील -
ओटमीलमध्ये देखील फायबरचे प्रमाण जास्त असते. तसेच थोडेसे ओटमील खाल्ल्याने पोटदेखील लवकर भरते. त्यामुळे वजन घटण्यास मदत होते.

हेही वाचा - फक्त या पाचच कारणांमुळे येतात चेहऱ्यावर पिंपल्स!

हर्बल चहा -
रात्री काम केल्यानंतरही तुम्हाला झोप येत नसेल तर हर्बल चहा उपयुक्त ठरेल. मात्र, या हर्बल चहा पावडरमध्ये कॅफीन नसावे याची काळजी घ्यायला पाहिजे.

लो-शुगर ग्रेनोला बार -
तुम्हाला कुकी आणि डोनट खायचे मन करत असेल तर ग्रैनोला बार हा एक चांगला पर्याय आहे. मात्र, यामध्ये साखरेचे प्रमाण कमी असणे गरजेचे आहे. तसेच रात्री तुम्ही बाहेर फिरायला जायचं असेल तर ते डब्ब्यावरही घेऊन जाऊ शकता.

ग्रीक योगर्ट -
रात्री जागताना तुम्ही घरी बनविलेले दही देखील खाऊ शकता. यामुळे शरीरातील कॅल्शियमची मात्रा प्रमाणात राहील. तसेच तुम्हाला शांतात वाटेल.

हे खाद्यपदार्थ खाऊ नये -
तुम्ही रात्री उशिरापर्यंत जागत असाल तर खाद्यपदार्थांकडे लक्ष देणे गरजेचे आहे. यामध्ये खालील पदार्थांचा समावेश होतो.

हेही वाचा - पुरुषांनो, वयाची तिशी पार केलीत? तर ही हेल्थ चेक अप्स...

पिझ्झा -
पिझ्झामध्ये ग्रीस असल्याने छातीत जळजळ होऊ शकते. तसेच पिझ्झा किती हेल्दी असतो हे सांगायची गरज नाही. त्यामुळे पिझ्झा खाणे टाळायला पाहिजे.

कॉर्नफ्लेक्स किंवा साखर असलेले खाद्यपदार्थ -
अशा पदार्थांमध्ये मोठ्या प्रमाणात कॅलरीज असतात. त्यामुळे अर्ध्या रात्री भूक लागली असेल तर अनेकजण असे पदार्थ खाण्याला पसंती देतात. मात्र, हे पदार्थ खाणे आरोग्यासाठी धोकादायक ठरू शकते.

चॉकलेट आणि बिस्कीट -
अनेकजण रात्री खाण्यासाठी या पदार्थांना पसंती देतात. मात्र, तुम्हाला याच पदार्थांपासून दूर राहायचे आहे. तुम्ही हे पदार्थ खाल्ल्यास तुमचे वजन वाढण्याचा धोका असतो.

आइसक्रिम -
आइसक्रीमध्ये मोठ्या प्रमाणात साखर असते आणि तुम्ही रात्रीला काम करायचे असेल आइसक्रीम खाणे उपयुक्त ठरणार नाही.

चिप्स - यामध्ये मोठ्या प्रमाणात मीठ असते. त्यामुळे चिप्स रात्री खाणे तुमच्या आरोग्यासाठी हानीकारक असते. 

(डिसक्लेमर: वरील लेखात देण्यात आलेली माहिती ही सर्वसामान्य माहितीच्या आधारावर आहे. याबाबत अधिक माहितीसाठी तज्ज्ञांचा सल्ला घ्यावा.)