Asthma Health Tips : दमा हा एक आहे आजार आहे जो कोणालाही नको वाटतो; वातावरण बदलले की त्याची सर्वात जास्त भीती ही दमा असलेल्या लोकांना असते; त्यात थंडीत तर खूप जास्त त्रास होतो, अशावेळेस नक्की कोणत्या खबरदाऱ्या घ्यावा हा प्रश्न असतोच.

हवेचे कमी झालेले तापमान आणि प्रदूषण हे अस्थमाचा आजार असणाऱ्या व्यक्तींसाठी घातक ठरू शकते. एवढंच काय तर सर्वसामान्य लोकांना सुद्धा या वातावरणाचा त्रास होतो. एकंदरीत श्वासनलिका आकुंचन पावतात आणि कफाचे प्रमाण वाढते.

अशा परिस्थितीत तुम्ही हे उपाय करू शकतात(Natural Asthma Remedies)

१. मध खा

अस्थमाच्या रुग्णांनी हिवाळ्यात मध खावं, यामुळे आपल्या श्वास नलिकेमध्ये कोणत्याही प्रकारचे विषाणू आणि बॅक्टेरिया वाढत नाहीत आणि दम्याचा झटका येण्याचा धोका कमी होतो.

२. कोमट पाणी वापरा

श्वसनाचे आजार असलेल्यांनी हिवाळ्यात कोमट पाणी प्यावे, यामुळे घसा सुद्धा खराब होत नाही, आंघोळीसाठीही गरम पाण्याचा वापर करावा.

३. बाहेर जाणे टाळा

दम्याच्या रुग्णांनी धुळीच्या आणि धुराच्या ठिकाणी जाणे टाळावे शिवाय हिवाळ्यात सकाळी फिरायला जाणे टाळावे, घरीच योगा करावा.

४. स्वच्छतेकडे विशेष लक्ष

श्वसनाच्या आजाराने ग्रस्त असलेल्या व्यक्तीने स्वच्छतेची विशेष काळजी घ्यावी, आपले पलंग बेडशीट स्वच्छ ठेवा आणि स्वच्छ कपडे घाला.

५. हिवाळ्यातील कपडे

अस्थमाच्या रुग्णांनी थंडीपासून वाचण्यासाठी उबदार कपडे घालून फिरावे. स्वेटर्स वापरायला काढण्याआधी ते नीट धुवून त्यांना सूर्यप्रकाश दाखवावा.

या गोष्टी खाऊ नका

श्वसनाचे आजार असलेल्या व्यक्तीने हिवाळ्यात दूध, शेंगदाणे, सोया, अल्कोहोल, अंडी, मासे आणि अति मीठाचे सेवन करू नये.