Cardamom Tea Health Benefits : चहाचे चाहते जगभरात सापडतात. जगातलं सर्वाधिक प्यायल्या जाणाऱ्या प्येयांमध्ये चहाचा दुसरा क्रमांक लागतो. काही लोक जणू चहावर जगतात तर काहींना आपल्याला हवा तसा परफेक्ट चवीचाच चहा हवा असतो. तर काही जण चहाच्या चवीसाठी चहा पितात. त्यामुळे प्रत्येक भागानुसार चहा बनवण्याचे, त्याच्या चवीचे वेगवेगळे प्रकार आढळतात. चहा अनेक प्रकारे बनवला जातो. पण वेलची टाकून चहा बनवल्याने चवही छान लागते आणि त्याचा आरोग्याला फायदा मिळतो.

फायदे जाणून घेऊया

पचन क्रिया सुधारते - वेलची चहा पिण्याने पचन सुधारते. यात फायबर असल्याने बद्धकोष्ठता, अॅसिडीटीसारख्या समस्या होत नाही.

हार्ट हेल्दी - वेलची चहा पिल्याने तुमचे हृदय हेल्दी राहतं आणि बॉडी ब्लड सर्क्युलेशन पण चांगलं राहतं.

घसा खवखवणे - वेलची चहा प्यायल्याने घशाची खवखव दूर होते. कारण यात अँटीबॅक्टोरीयल गुण असतात. जे घशाचं इंफेक्शन दूर करण्याचं काम करतात.

रोगप्रतिकारक शक्ती - वेलची मध्ये व्हिटॅमिन सी असल्याने याचा चहा प्यायल्याने रोगप्रतिकारक शक्ती चांगली होते.

तोंडाची दूर्गंधी - तोंडाची दुर्गंधी यामुळे दूर होते. त्यामुळे जर तुम्ही चहाचे शौकीन असाल तर असा चही प्या. यामुळे तोंडाशी निगडीत त्रास दूर होतात.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.