World Acupressure Therapy Day : हिंदी धर्मात मुल जन्माला आल्यापासून ते त्याच्या मृत्यूपर्यंत १६ संस्कार सांगितले आहेत. त्यापैकी मुल सव्वा महिन्याचं होईपर्यंत त्यांचे कान टोचले जावे असा एक संस्कार समजला जातो. ते छिद्र बुजू नये म्हणून त्यात सोन्याची तार घातली जाते. त्यात सौंदर्य आणत वेगवेगळ्या प्रकारचे कानातले घातले जातात.

पण ही फॅशन करता यावी म्हणून हे कान टोचले जात नसून यामागे काही वैज्ञानिक कारण आहेत. त्यामुळे फक्त मुलींचेच नाही तर मुलांचेही कान टोचले जातात. आजही बऱ्याच ठिकाणी ही परंपरा पाळली जाते.

कान टोचण्याचे फायदे

​होतो मेंदूचा विकास

कान टोचल्याने लहान वयातच मुलांच्या मेंदूचा विकास होतो. कान टोचल्याने मेंदूतील काही भाग सक्रिय होतात. अ‍ॅक्यूप्रेशर थेरपीच्या सिद्धांताप्रमाणे, 'मेरिडियन' पॉंइटला उत्तेजित केल्यास मेंदूचा लवकर विकास होतो.

नजर होते चांगली

कानाच्या मध्यबिंदूवर डोळ्यांचा प्रकाश अवलंबून असतो. कान टोचल्याने डोळ्यांना चांगले दिसते. तसेच, व्यक्तीला डोळ्यांचे विकार होत नाहीत.

​ऐकण्याची कला होते सक्षम

आयुर्वेदानुसार, कान टोचल्याने लहान मुलांची ऐकण्याची क्षमता विकसित होत जाते. तसेच, कान टोचल्याने ऐकू येण्याच्या समस्येपासून सुटका होते, असं मत अॅक्यूप्रेशर तज्ञ व्यक्त करतात.

ताणतणाव, भीती जाते!

कान टोचल्याने मेंदूचा विकास होतो. कान टोचल्यामुळे मेंदूशी निगडीत फिट येण्यासारख्या समस्या उद्भवत नाहीत. कान टोचल्याने ताणतणाव, भीती यांसारख्या समस्यांना दूर होतात.

मासिक पाळीचा त्रास होत नाही!

आयुर्वेदानुसार, कान टोचलेल्या महिलेचा मासिक धर्म चांगला राहतो. महिलांच्या मासिक पाळीसंबंधित समस्या काही प्रमाणात कमी होतात. त्यांना त्याचा त्रास होत नाही.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.