Allu Arjun And Sneha esakal
Tollywood News: टॉलीवूडमध्ये अल्लु अर्जुन (Allu Arjun) हा जेवढा लोकप्रिय आहे तेवढाच तो आता मध्येही चाहत्यांच्या पसंतीस उतरला आहे. त्याच्या पुष्पा या (Pushpa Movie) चित्रपटानं तो बॉलीवूडमधील अनेक प्रेक्षकांच्या फेव्हरेट अभिनेत्यांच्या यादीत आला आहे. आज त्याचा जन्मदिवस आहे. त्यानिमित्तानं (Happy Birthday Allu Arjun) त्याच्याशी संबंधित आपण काही गोष्टी जाणून घेणार आहोत. सध्याच्या घडीला साऊथमधील सर्वात प्रभावी अभिनेता म्हणून अल्लुचे नाव वरच्या स्थानावर आहे. त्याच्या पुष्पा चित्रपटानं तीनशे कोटींहून अधिक बिझनेस केला. आता हा चित्रपट ओटीटीवरही प्रदर्शित झाला आहे. बाकी काही असलं तरी, पुष्पा नंतर त्याच्या फॅन फॉलोइंगमध्ये वाढ झाल्याचे दिसून आले आहे.
अल्लुला आतापर्यत वेगवेगळ्या राष्ट्रीय पुरस्कारानं गौरविण्यात आले आहे. अर्जुनचे वडिल अल्लु अरविंद हे तेलुगू चित्रपटाचे प्रसिद्ध दिग्दर्शक आहेत. त्यांची लोकप्रियता मोठी आहे. त्यांचा वारसा आता अल्लु समर्थपणे पुढे नेताना दिसतो आहे. अल्लुची दुसरी ओळख सांगायची झाल्यास तो लोकप्रिय अभिनेता चिरंजीवी यांचा भाचा आहे. अल्लुनं स्नेहा रेड्डीशी विवाह केला आहे. स्नेहा ही एक बिझनेस वुमन असून तिचे वडील हे एसआयटी (इंस्टिट्युट ऑफ सायंटिफिक टेक्नॉलॉजीचे चेअरमन आहेत) स्नेहा ही सोशल मीडियावर अॅक्टिव्ह असणारी सेलिब्रेटी आहे. अल्लु आणि स्नेहाची ओळख युएसमध्ये एका मित्राच्या लग्नात झाली होती. त्याचवेळी तो तिच्या प्रेमात पडला. स्नेहाला माहिती होतं की, तो एक अभिनेता आहे. सुरुवातीला त्यांनी एकमेकांना डेट केलं. त्यानंतर लग्न केलं. रिलेशनच्या काही वर्षानंतर त्यांनी लग्नाचा निर्णय घेतला होता. अल्लुच्या लग्नाला घरच्यांचा विरोध होता. मात्र अल्लुच्या प्रेमापुढे कुणाचे काही चालले नाही. या दोघांच्या ठाम निर्णयापुढे त्यांना झुकावे लागले. अखेर 26 नोव्हेंबर 2010 रोजी त्यांचे लग्न मोठ्या उत्साहात पार पडले. भलेही अल्लु अर्जुन हा मनोरंजन क्षेत्रातील स्टार अभिनेता असेल मात्र त्याचा संपूर्ण बिझनेस त्याची पत्नी स्नेहा पाहते. प्रोफेशनल लाईफचं सगळं मॅनेजमेंट स्नेहाच्या हातात असल्याचे अर्जुन सांगतो. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.