fathers day 2022 special story esakal
Bollywood Movies: बॉलीवूडमध्ये देखील मोठ्या प्रभावीपणे बापपण प्रेक्षकांसमोर मांडले आहे. त्याला प्रेक्षकांचा मोठा प्रतिसादही मिळाल्याचे दिसून आले आहे. 70 ते 80 च्या दशकांतील काही चित्रपटांचे मोठे गारूड प्रेक्षकांच्या मनावर होते. त्यामध्ये (entertainment news) वडिल, मुलगा, त्यांच्यातील वाद, नोकऱ्यांवरुन होणारे त्यांच्यातील मतभेद, प्रेम प्रसंगावरुन त्यांच्यात होणारी भांडण हे सारं त्या (Bollywood actor) चित्रपटांतून समोर आले आहे. फादर्स डे च्या निमित्तानं आपण यंदाच्या दशकातील काही चित्रपटांचा आढावा घेणार आहोत. ज्यातून वडील - मुलगा, मुलगी यांच्यातील प्रेमळ नातं तितक्याच संवेदनशीलतेपणं पडद्यावर साकारण्यात आलं आहे.
अंग्रेजी मीडियम (Angrezi Medium - Hotstar) बॉलीवूडचा दिवंगत अभिनेता इरफान खानचा हा शेवटचा चित्रपट. त्यात त्यानं साकारलेली एका बापाची भूमिका डोळ्यात पाणी आणते. 2020 मध्ये प्रदर्शित झालेल्या या चित्रपटातून मुलीच्या शिक्षणासाठी बाप काय करतो हे प्रभावीपणे दिग्दर्शकानं प्रेक्षकांसमोर मांडले आहे. गुंजन सक्सेना (Gunjan Saxena : The Kargil Girl - Netflix) बॉलीवूडची दिवंगत अभिनेत्री श्रीदेवीची मुलगी जान्हवी कपूरचा पहिला चित्रपट गुंजन सक्सेना. यामध्ये पंकज त्रिपाठी यांनी तिच्या वडिलांची भूमिका साकारली होती. मुलीला काही करुन वैमानिक होण्याची इच्छा. मात्र तिच्या मार्गात येणारे अनेक अडथळे यामुळे ती खचून जाते. यावेळी तिला मोठा आधार देणारे तिचे वडील. याची परिणामकारक मांडणी या चित्रपटात आहे. पीकू (Piku - SonyLiv) बॉलीवूडचे बिग बी अमिताभ बच्चन आणि अभिनेत्री दीपिका पदुकोण, इरफान खान या अभिनेत्यांची जुगलबंदी पीकू मध्ये पाहायला मिळते. मिश्किल वडील, त्यांना सांभाळणारी त्यांची मुलगी, वडिलांचे आजारपण, त्यांच्याशी होणारा संवाद हे सारं मोठ्या खुबीनं पीकूमधून आपल्यासमोर येतं. दंगल (Dangal - Netflix) आमीर खानच्या या चित्रपटानं केवळ भारतच नाहीतर चीनमध्ये देखील मोठी कमाई केली होती. वास्तव आयुष्यातील ही कथा तेवढ्याच प्रभावीपणे पडद्यावर साकारली गेली होती. 2016 मध्ये या चित्रपटानं दोनशे कोटींपेक्षा अधिक कमाई केली होती. जयेशभाई जोरदार (Jayeshbhai Jordaar - Amazon Prime Video) रणवीर सिंगचा काही दिवसांपूर्वी प्रदर्शित झालेला हा चित्रपट बॉक्स ऑफिसवर फारचा चालला नाही. मात्र त्यामध्ये आपल्याला मुलगीच हवी. असा आग्रह धरून तिच्या जन्मासाठी आपल्या वडिलांसोबतच करावा लागणारा संघर्ष विनोदाच्या माध्यमातून आपल्यासमोर येतो. जाणकार प्रेक्षक, अभ्यासक, समीक्षक यांचा मोठा प्रतिसाद या चित्रपटाला मिळाला. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.