Fraud Crime News : इलेक्ट्रीक चार्जिंग बाईकचे शोरूम व डीलरशिप मिळवून देण्याच्या बहाण्याने येथील एका वकिलाची सुमारे १० लाख ८० हजार रुपयांत फसवणूक केल्याप्रकरणी नाशिक येथील दोन जणांविरुद्ध कासोदा पोलिसांत गुन्हा दाखल करण्यात आला आहे. (10 lakh fraud of lawyer jalgaon fraud crime news)

येथील वकील वासुदेव धोंडू वारे (वय ४६) यांची निफाड तालुक्यातील शिरसगाव येथील संजय दिनकर जिवरक व त्यांचा मुलगा महेश संजय जिवरक यांनी ६ नोव्हेंबर २०१८ पासून इलेक्ट्रीक चार्जिंग बाईक जीआयव्हीएस एक्स्पोर्ट ॲण्ड इम्पोर्ट प्रा. लि. ओझर सय्यद पिंप्री नाशिक येथील कंपनीतून फिर्यादी वासुदेव वारे यांना कासोदा येथे शोरूम टाकण्यासाठी २० गाड्या व डीलरशिप मिळवण्यासाठी फिर्यादी वासुदेव वारे यांच्याकडून १० लाख ८० हजार एवढी रक्कम घेऊन आजपर्यंत ना २० गाड्या दिल्यात, ना डीलरशिप दिली नाही.

हेही वाचा : Credit Card फसवणूक....काय घ्याल काळजी?

त्यामुळे संजय दिनकर जिवरक व त्यांचा मुलगा महेश संजय जिवरक यांनी वासुदेव वारे यांची संगनमताने आर्थिक फसवणूक केल्याचे लक्षात आल्याने ८ ऑगस्टला कासोदा पोलिसांत वासुदेव धोंडू वारे यांनी दिलेल्या फिर्यादीवरून संजय दिनकर जिवरक व त्यांचा मुलगा महेश संजय जिवरक यांच्याविरोधात गुन्हा दाखल करण्यात आला आहे. सहायक पोलिस निरीक्षक योगिता नारखेडे यांच्या मार्गदर्शनाखाली तपास सुरू आहे.