जळगाव : शहरातील स्वातंत्र्य चौकात एका महिलेला मावशी बोलल्याचा रागातून चौघांनी प्रौढ व्यक्तीला बेदम मारहाण करून शिवीगाळ केली.

धनराज रामकृष्ण वाघ (वय ५५, रा. कंकराळा, ता. सोयगाव, जि.औरंगाबाद) कामानिमित्त सोमवारी (ता. २०) जळगावात आले होते. दुपारी चारला स्वातंत्र्य चौकात औरंगाबादकडे जाण्यासाठी वाहनाची वाट पाहत असताना, एका महिलेला त्यांनी मावशी म्हटले. याचा राग आल्याने चारचाकी वाहनात बसलेल्या चौघांनी वाघ यांना मारहाण करून शिवीगाळ केली. धनराज वाघ यांनी दिलेल्या तक्रारीवरून जिल्हापेठ पोलिस ठाण्यात चार जणांवर गुन्हा दाखल झाला आहे. पोलिस नाईक संजय नारखेडे तपास करीत आहे.