जळगाव : शहरातील ढाके कॉलनीतील ४८ वर्षीय गृहिणीच्या मोबाईलवर संपर्क करून फिक्स डिपॉझिट (FD) अपडेट करण्याचे सांगत चक्क सात लाख ७५ हजार रुपये परस्पर लंपास केले. (asking to update fd 8 lakh rupees stolen online fraud crime jalgaon news)

शहरातील ढाके कॉलनीतील रहिवासी लिना राजेंद्र भोळे यांच्या भ्रमणध्वनीवर मंगळवारी (ता. २१) दुपारी पावणेचारच्या सुमारास ९२६३३४५६३९ या क्रमांकावरून फोन आला. फोनवर बोलणाऱ्या व्यक्तीने मी बंधन बँकेतून बोलत असल्याचे सांगत तुमच्या नावे असलेली फिक्स डिपॉझिट अपडेट करायची आहे, त्यासाठी ओटीपी मागितला.

हेही वाचा : एका मुलाखतीतून उलगडलेले भैरप्पा!

श्रीमती भोळे यांच्या परवानगीशिवाय सायबर भामट्याने चक्क ७ लाख ७५ हजार रुपयांची फिक्स डिपॉझिट मोडून ती अगोदर भोळे यांच्या खात्यात वर्ग केली आणि तेथून सर्व रक्कम ऑनलाईन काढून घेतली. याबाबत लिना भोळे यांच्या तक्रारीवरून सायबर पोलिसांत गुन्ह्याची नोंद झाली आहे.