जळगाव : जिल्ह्यात बोगस बियाणे येता कामा नये आणि आलेच तर शेतकऱ्यांची मोठी फसवणूक होईल. बोगस बियाणे विक्री करणाऱ्यांचा शोध घ्या. सतर्क राहून बोगस बियाण्याची विक्री होवू देवू नका. विक्री करणाऱ्यांवर कडक कारवाई करा अशा सूचना जिल्हाधिकारी अभिजीत राऊत यांनी दिल्या आहेत.

आज जिल्हास्तरीय कृषि निविष्ठा सनियंत्रण समितीची सभा झाली. त्यावेळी जिल्हाधिकाऱ्यांनी या सुचना दिल्या.
जिल्हाधिकारी राऊत यांनी कंपनी प्रतिनिधींना बियाण्यांचा पुरवठा वेळेत करण्यास सांगून शेतकऱ्यांनी मिश्रखत घरी तयार करण्याचा सल्ला दिला. यावेळी बियाणे खते किटक नाशके खरेदी करताना घ्यायची काळजी व जीवाणू खते वापर व फायदे याबाबत बॅनरचे अनावरण जिल्हाधिकाऱ्यांनी केले आहे.

शेतकऱ्यांसाठी जिल्ह्यातील उपलब्ध खत साठा सहज समजावा यासाठी तालुकानिहाय ब्लॉगस्पॉट उपलब्ध करून दिला आहे. त्याचे अनावरण करण्यात आले.

जिल्हाधिकारी कार्यालयात झालेल्या या बैठकीस जिल्हा परिषेदेच कृषि विकास अधिकारी वैभव शिंदे, कृषी उपसंचालक अनिल भोकरे, मोहिम अधिकारी विजय पवार, खते बियाणे किटकनाशके विक्रेते कंपनी जिल्हा प्रतिनिधी उपस्थित होते.