पाचोरा : येथील शहरालगतच्या मार्गावर अज्ञात वाहनाच्या धडकेत प्रौढ ठार झाल्याची घटना नुकतीच घडली. प्रदीप प्रभाकर सोनार (वय ४२) असे मृताचे नाव आहे.

ते आपल्या दुचाकीने घराकडे येत असताना अज्ञात वाहनाच्या धडकेने फेकले गेले. अमित पाटील यांनी त्यांना अत्यावस्थेत पाचोरा ग्रामीण रुग्णालयात दाखल केले.(Bike rider killed in collision vehicle jalgaon news)

मात्र डॉक्टरांनी तपासणीअंती त्यांना मृत घोषित केले. शवविच्छेदन करून मृतदेह नातलगांच्या ताब्यात दिला.

पाचोरा पोलिसांनी अकस्मात मृत्यूची नोंद केली असून, धडक मारून पसार झालेल्या अज्ञात वाहनाचा पोलिस शोध घेत आहेत. मधुराज डिजिटलचे संचालक सुनील सोनार यांचे ते बंधू होत. दरम्यान, दिवाळीत अपघाती मृत्यू झाल्याने सोनार कुटुंबीय कमालीचे खचले आहे.