जळगाव : घरगुती स्वयंपाक गॅस चारचाकी वाहनांमध्ये ब्लॅकच्या दरात भरून काळाबाजार करणाऱ्या तरुणावर एमआयडीसी पोलिसांत गुन्हा दाखल करण्यात आला. कारवाई दरम्यान पोलिसांनी त्यांच्या ताब्यातून २७ हजार रुपये किमतीचे साहित्य जप्त केले आहे. (Latest Marathi News)
रामेश्वर कॉलनीतील स्मशानभूमी परिसरात घरगुती स्वयंपाक गॅसचा वापर वाहनांमध्ये ब्लॅकच्या दरात भरुन दिला जात असल्याची गुप्त माहिती एमआयडीसी पोलिस निरीक्षक प्रताप शिकारे यांना मिळाली. त्यानुसार गुन्हे शोध पथकाने माहितीची खात्री करुन छापा टाकत रहिमबेग हसनबेग मिर्झा (वय ३८, रा. बिसमिल्ला चौक, तांबापुरा) याच्याकडून १२ हजार रूपये किंमतीचे ६ घरगुती गॅसचे सिलेंडर, गॅस भरण्याचे साहित्य व मशिन असा एकूण २७ हजार रूपये किंमतीचा मुद्देमाल हस्तगत केला. या प्रकरणी सायंकाळी पोलिस नाईक इमरान अली युसूफअली सैय्यद यांनी दिलेल्या फिर्यादीवरून एमआयडीसी पोलिस ठाण्यात रहिमबेग हसनबेग मिर्झा याच्याविरुद्ध गुन्हा दाखल झाला आहे. पुढील तपास पोलिस उपनिरीक्षक दीपक जगदाळे करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.