चाळीसगाव : मागील भांडणाची कुरापत काढत तिघांनी दुचाकी पेटविल्याची घटना तालुक्यातील आंबेहोळ गावात घडली. या प्रकरणी चाळीसगाव ग्रामीण पोलिस ठाण्यात तिघांविरुद्ध गुन्हा दाखल करण्यात आला आहे.
तालुक्यातील आंबेहोळ गावातील दिलीप जगन सोनार (वय ३४) हा वरील ठिकाणी आपल्या कुटुंबासह वास्तव्यास असून शेती व्यवसाय करून परिवाराची उपजीविका भागवीत असतो.(By previous quarrel Three Young Man Fire two wheeler Jalgaon Crime News)
दरम्यान मंगळवार (ता. २५) रोजी सकाळी साडेदहाच्या सुमारास दिलीप जगन सोनार यांनी आपली दुचाकी (क्र. एम.एच. ०४ डिझेड १४२८) पाथर्डे शिवारातील शेतात झाडाखाली लावलेली होती. मात्र मागील भांडण उकरून मोटारसायकलवर पेट्रोलचा शिडकाव करून ती पेटविली.
या घटनेने परिसरात एकच खळबळ उडाली आहे. या प्रकरणी दिलीप जगन सोनार यांच्या फिर्यादीवरून चाळीसगाव ग्रामीण पोलिस स्थानकात विजय हिरा राठोड, लहू राजू राठोड व पिंटू भावडू राठोड सर्व (रा. आंबेहोळ (लोंजे) ता.चाळीसगाव) आदींवर गुन्हा दाखल करण्यात आले आहे. पोलिस निरीक्षक संजय ठेंगे यांच्या मार्गदर्शनात नितीन सोनवणे तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.